राज्य शैक्षणिक संशोधन व प्रशिक्षण परिषद महाराष्ट्र राज्य यांनी मनुस्मृतीचे समर्थन करणारा आराखडा जाहीर केलेला आहे. त्याचा निषेध बुलढाणा येथे वंचित बहुजन् आघाडीने केला आहे. वंचितने बुलढाणा जिल्हाधिकारी यांना निवेदन देत हा आराखडा रद्द करण्याची मागणी निवेदनातून केली आहे.

वंचितने दिलेल्या निवेदनात मनुस्मृती ही माणसा माणसांमध्ये भेद निर्माण करणारी आहे. जर राज्य शैक्षणिक संशोधन व प्रशिक्षण परिषद महाराष्ट्र राज्य यांनी मनुस्मृतीचे समर्थन करणारा शैक्षणिक आराखडा अभ्यासक्रमाध्ये समाविष्ट केला तर इथं नव्याने मनुस्मृती आणण्याचं काम या छत्रपती शिवाजी महाराज - फुले - शाहू - आंबेडकरांच्या महाराष्ट्रात जाणिवपूर्वक होताना दिसत आहे.

विद्यार्थ्यांमध्ये भेदभाव करण्यासाठी शिकवण देण्याचं काम करण्याचा कट आहे. या गाेष्टीची आम्ही जाहीर निषेध करताे असे वंचित बहुजन आघाडीने निवेदनात म्हटलं आहे. हा मनुस्मृतीचा शैक्षणिक आराखडा रद्द करण्यात यावा अन्यथा रस्त्यावर उतरून आंदोलन करू असा इशारा देखील वंचितने सरकारला जिल्हाधिकारी यांना दिलेल्या निवेदनातून दिला आहे.

Edited By : Siddharth Latkar