Sangli Dcc Bank: सांगली जिल्हा मध्यवर्ती बँकेतून अधिकारी, कर्मचारी गायब? रघूनाथदादा पाटलांनी दिली 2 दिवसांची मुदत

सांगली जिल्हा मध्यवर्ती बँकेच्या अधिकाऱ्यांवर ठोस कारवाई करावी. येत्या दोन दिवसांत कारवाई न झाल्यास शेतक-यांसह बँकेत आम्ही धडक देऊ असा इशाराही शेतकरी संघटनेचे नेते रघुनाथदादा पाटील यांनी दिला. दरम्यान ऱघुनाथदादा पाटील हे बॅंकेत येणार असल्याचे समजताच अधिका-यांनी बॅंकेतून पळ काढल्याची चर्चा सांगलीत रंगली हाेती.

सांगली जिल्हा मध्यवर्ती बॅंकेत नुकताच सहा शाखांमध्ये 2 कोटी 43 लाखांचा दुष्काळ आणि अवकाळी निधीवर डल्ला मारण्याचा प्रकार शाखाधिकारी व कर्मचाऱ्यांकडून झाल्याचे समोर आले आहे. या घोटाळाप्रकरणी बँकेने सात जणांना निलंबित केले आहे.

आज शेतकरी संघटनेचे नेते रघुनाथदादा पाटील हे सांगली जिल्हा बँकेत घाेटाळा प्रकरणाची विचारपूस करण्यासाठी येणार असल्याची चर्चा हाेती. ही चर्चा जिल्हा बँकेतील कर्मचारी, अधिकारी यांच्यापर्यंत पाेहचली.

पाटील बॅंकेत गेल्यावर कर्मचारी आणि अधिकारी जागेवर नव्हते अशी चर्चा आहे. दरम्यान बँकेच्या अधिकाऱ्यांवर ठोस अशी कारवाई दोन दिवसांत झालीच पाहिजे, अन्यथा पुन्हा बँकेत आम्ही धडक देऊ असा इशाराही रघुनाथदादा यांनी दिला आहे.

Edited By : Siddharth Latkar