मुंबई : राज्याच राजकारण शिंदे-फडणवीस सरकार आल्यानंतर बऱ्यापैकी बदललं आहे. उद्धव ठाकरे यांचं नेतृत्व अमान्य करत शिवसेनेत (Shiivsena) बंडखोरी करणारने अनेक नेते आता उघडपणे त्यांच्याविरोधात बोलू लागले आहेत. यात आणखी एका नेत्याची भर पडली आहे. माजी मंत्री सुरेश नवले यांनी उद्धव ठाकरेंवर (Uddhav Thackeray) गंभीर आरोप केले आहेत.

राज्यातील 1995 सालच्या युती सरकारमध्येच उद्धव ठाकरे यांना मुख्यमंत्री व्हायचं होतं, असा दावा सुरेश नवले यांनी केला आहे. त्यांच्या या वक्तव्यामुळे राजकीय वर्तुळात नव्या मुद्दवर चर्चा रंगू लागली याहे. ते बीडमध्ये बोलत होते.

शरद पवारांच्या आग्रहाखातर उद्धव ठाकरे मुख्यमंत्री झाल्याचा दावा देखील त्यांनी खोडून काढला आहे.

विशेष म्हणजे उद्धव ठाकरे यांचा दाखवायचा चेहरा एक आणि आतला चेहरा वेगळा आहे. 1998 मध्ये माझ्या घरावर हल्ला झाला त्याचे मुख्य सूत्रधार देखील उद्धव ठाकरेच आहेत, असा गंभीर आरोप देखील यावेळी सुरेश नवले यांनी केला.

शिवसेनेचे दोन्ही गट दसरा मेळावा (Dasara Melava) घेण्यासाठी सज्ज झाले आहेत. दोन्ही गटाच्या नेत्यांनी दसरा मेळाव्यापूर्वीच आरोप-प्रत्यारोप करणे सुरु केले आहेत. याचदरम्यान, शिंदे गटाचे प्रवक्ते ,माजी महापौर नरेश म्हस्के (Naresh Mhaske) यांनी एक जुना व्हिडिओ शेअर करत उद्धव ठाकरेंवर निशाणा साधला आहे.