स्थानिक स्वराज्य संस्थांच्या निवडणुकीच्या तोंडावर ठाकरे बंधूंच्या युतीवर शिक्कामोर्तब झालंय.. त्यातच आता ठाकरेंच्या युतीत पवारांची एण्ट्री होण्याच्या चर्चांनी जोर धरलाय.. त्याला कारण ठरलंय संजय राऊतांच्या राज ठाकरे आणि पवारांसोबत सुरु असलेल्या बैठकांचा सिलसिला.. 10 दिवसात राऊतांनी राज ठाकरेंची 3 वेळा तर पवारांची 9 ऑक्टोबरला भेट घेतल्याची माहिती सुत्रांनी दिलीय... त्यामुळे राज्यात नव्या युतीच्या चर्चांना वेग आलाय.. मात्र या बैठकांमध्ये काय चर्चा झाली? त्याची माहितीच सुत्रांनी दिलीय....

युतीच्या प्रचाराचे मुद्दे कोणते असणारे? कॉमन मिनिमम प्रोग्रॅम काय असावा यावर चर्चा झाली.. ठाकरे बंधूंच्या युतीत नवा भिडू घ्यायचा का? यावरही चर्चा झाल्याची शक्यता.

या युतीच्या चर्चांदरम्यान मनसे नेते अमित ठाकरेंनी विभागवार विभाग अध्यक्षांच्या बैठका घेऊन चाचपणी सुरु केलीय.. आहेत. कोणत्या जागा मागायच्या? आपली बलस्थानं कोणती? याची चाचपणी सुरु केलीय...

ठाकरे बंधूंच्या युतीच्या चर्चांदरम्यान काँग्रेस प्रदेशाध्यक्ष हर्षवर्धन सपकाळांनी महाविकास आघाडीला नव्या भिडूची गरज नाही, असं म्हणत राज ठाकरेंच्या मविआतील सहभागाला ब्रेक लावला.. मात्र त्याचवेळी प्रादेशिक पक्षांच्या एकीचे संकेत ठाकरेंच्या खासदारांनी दिलेत...

दुसरीकडे राऊतांनी शरद पवारांशीही चर्चा करून ठाणे आणि पुण्यात युतीचा प्रस्ताव ठेवल्याची माहिती सूत्रांनी दिलीय...खरंतर पश्चिम बंगाल, झारखंड, छत्तीसगड, ओडीशा, आंध्र प्रदेश, तेलंगणा, तामिळनाडू आणि केरळमध्ये प्रादेशिक पक्षांनी राष्ट्रीय पक्षांविना सत्तेचं समीकरण साधलंय.

आता राष्ट्रीय पक्षांना बाजूला ठेऊन राज ठाकरे, उद्धव ठाकरे आणि शरद पवार हे राज्यातले तीन प्रादेशिक पक्ष एकीची वज्रमूठ आवळून आगामी स्थानिक स्वराज्य संस्थांच्या निवडणुकीत सत्तेचं समीकरण साधणार का? आणि प्रादेशिक पक्ष एकत्रित आल्यास महाविकास आघाडीचं नेमकं काय होणार? याकडे राज्याचं लक्ष लागलंय....