विजय पाटील, सांगली प्रतिनिधी

Uddhav Thackeray Shiv Sena News : सांगलीमध्ये उद्धव ठाकरे यांच्या शिवसेनेला मोठं खिंडार पडले आहे. ठाकरे गटाच्या जिल्हाप्रमुखांसह तालुका प्रमुख, युवा सेना पदाधिकाऱ्यांचा ठाकरे गटाला जय महाराष्ट्र केला आहे. सांगलीमधील शेकडो पदाधिकारी मुंबईत आज एकनाथ शिंदेंच्या शिवसेनेत जाहीर प्रवेश करणार आहेत. कोकण, मराठवाडा आणि मुंबईनंतर ठाकरेंना आता पश्चिम महाराष्टातही धक्का बसला आहे.

सांगली जिल्ह्यातील शिवसेना ठाकरे गटाच्या जिल्हाप्रमुखांसह ठाकरे गट शिवसेना व युवा सेनेने ठाकरे गटाला जय महाराष्ट्र केला आहे. एकनाथ शिंदेंच्या शिवसेनेचा धनुष्यबाण हातात घेण्याचा निर्णय त्यांनी घेतला आहे. सांगलीचे ठाकरे गटाचे जिल्हाप्रमुख संजय विभुते यांच्यासह तालुका प्रमुख, युवा सेनेचे पदाधिकारी आणि शेकडो शिवसैनिकांनी एकनाथ शिंदे यांच्या शिवसेना पक्षात प्रवेश करण्याचा निर्णय घेतला आहे.

आज मुंबईमध्ये मुख्यमंत्री एकनाथ शिंदे यांच्या उपस्थितीत रामगिरी बंगल्यावर सांगलीमधील ठाकरे गटाच्या कार्यकर्त्यांचा शिंदेसेनेत पक्ष प्रवेश होणार आहे. यावेळी संजय विभूतेंसह सांगली जिल्ह्यातील ठाकरे गटाचे तालुकाप्रमुख,पदाधिकारी,युवा सेनेचे पदाधिकारी आणि शेकडो शिवसैनिक एकनाथ शिंदे गटात प्रवेश करणार आहेत. ठाकरे गड शिवसेनेमध्ये योगेश सन्मान मिळत नाही त्याचबरोबर पक्ष वाढीकडे वरिष्ठांकडून कडून दुर्लक्ष करण्यात येत आहे,त्यामुळे पक्षाचा राजीनामा देत पक्ष शिवसेना शिंदे गटात प्रवेश करत असल्याची भावना संजय विभूते यांनी व्यक्त केली आहे.तर एकाच वेळी जिल्हा प्रमुखांसह,तालुकाप्रमुख, पदाधिकारी,युवा सेनेचे पदाधिकारी यांचा शिवसेनेला सोडचिट्टी देण्याच्या निर्णयामुळे जिल्ह्यातील ठाकरे गटाला मोठं खिंडार पडणार आहे.