विधान परिषद निवडणुकीच्या निकालानंतर महायुतीमधील अंतर्गत वाद चव्हाट्यावर आलेला असतानाच मुंबईत एका पुस्तक प्रकाशनाच्या कार्यक्रमानिमित्तानं मुख्यमंत्री देवेंद्र फडणवीस, ठाकरेसेनेचे उद्धव ठाकरे आणि मनसे अध्यक्ष राज ठाकरे एकाच व्यासपीठावर आले... कार्यक्रमाआधी या बड्या राजकीय नेत्यांमध्ये औपचारिक चर्चाही झाली. त्यातच शिंदेसेनेच्या नेत्यानं ठाकरे- शिंदे एकत्र येणार असल्याचा दावा केलाय... 'ठाकरे आणि शिंदेंचं कधीतरी जुळणारच,' असं विधान करत शिंदेसेनेच्या धंगेकरांनी काय भाकित केलयं...ऐका..

दुसरीकडे निकालानंतरच धंगेकरांनी एकनाथ शिंदेंना पुन्हा मुख्यमंत्री करा, अशी जाहीर मागणी केलीय. अशातच ठाकरे-शिंदेंच्या एकत्र येण्याच्या चर्चेनंतर धंगेकरांना सिग्नल कुठून मिळाला, असा सवाल काँग्रेसच्या विजय वडेट्टीवारांनी उपस्थित केलाय...तर ठाकरेसेनेच्या राऊतांनी या चर्चा फेटाळून लावलेत...

विधान परिषदेच्या निकालानंतर महायुतीत निर्माण झालेली कटुता आणि त्यानंतर फडणवीस-ठाकरे भेटीमुळे राजकीय समीकरणांवरून वेगवेगळ्या चर्चा सुरु आहेत... अशातच धंगेकरांच्या या वक्तव्यामुळे शिंदेसेना आणि ठाकरेसेनेत मनोमिलनाच्या चर्चांना उधाण आलयं...मात्र 2022 मध्ये शिंदेंनी केलेलं बंड, भाजपसोबत केलेली हातमिळवणी आणि त्यानंतर पक्षप्रमुख उद्धव ठाकरेंवर केलेले आरोप-प्रत्यारोप पाहता... भविष्यात ठाकरे- शिंदे एकत्र येतील का? हे पाहणं महत्त्वाचं ठरणार आहे...