संजय राठोड

यवतमाळ : जिल्ह्यात धक्कादायक घटनेमुळं खळबळ माजली आहे. क्षुल्लक कारणावरून हत्येची घटना घडल्याचा धक्कादायक प्रकार उघडकीस आला आहे. पुसद ग्रामीण पोलीस स्टेशनच्या (Police) हद्दीत गुणवंतराव देशमुख परिसर कवडीपूरमध्ये मृतदेह आढळला आहे. अजय शालीकराव येवले (४०) असं मृत पावलेल्या व्यक्तीचं नाव आहे.येवले या व्यक्तीनं गजाननच्या आईला शिवीगाळ केली होती.याचा राग मनात धरून गजानन काळे आणि शेख समीर शेख सलीम यांनी येवलेची दगडाने ठेचून हत्या केली. याप्रकरणी (culprit arrested) दोन्ही आरोपींना पोलिसांनी अटक केली आहे. (two people kills a person using abuse language to mother)

मिळालेल्या माहितीनुसार, यवतमाळ जिल्ह्यात क्षुल्लक कारणावरून हत्येची घटना घडली. या घटनेची माहिती मिळताच ग्रामीण पोलीस आणि वसंतनगर पोलीस घटनास्थळी पोहोचले. त्यानंतर पोलिसांनी घटनेचा कसून तपास केल्यानंतर काही तासांतच आरोपींच्या मुसक्या आवळल्या. गजानन काळे आणि शेख समीर शेख सलीम अशी अटक केलेल्या आरोपींची नावं आहेत. पोलिसांनी गोपनीय माहितीद्वारे दोन्ही आरोपींना पुसद पुसद बस्थनाकातून अटक केली.

Edited By - Naresh Shende