Latur News : लातूर जिल्ह्यातील चाकूर तालुक्यातील लातूररोड येथील एक परमिट रुम बिअरबार फोडून अज्ञात चोरट्यांनी विविध कंपन्यांची एकूण दाेन लाख पाच हजार 141 रुपयांची दारू पळवली आहे. चाकूर पोलीस (police) ठाण्यात या चोरी प्रकरणी देवेंद्र किशनराव टोम्पे यांनी तक्रार केली आहे.

लातूररोड येथे टाेम्पे यांचा आकाश बार ॲण्ड रेस्टॉरंट नावाचा बार आहे. चोरट्यांनी दुकानाच्या शटरचे कुलूप तोडून दुकानात प्रवेश केला. तसेच गोडाऊनही फोडले. चाेरट्यांनी विविध कंपन्यांची दारु असलेले बॉक्स चोरुन नेले.

या बारचे मालक देवेंद्र किशनराव टोम्पे यांनी चाकूर पोलीस ठाण्यात या चोरी प्रकरणी तक्रार दिली आहे. या तक्रारीत त्यांनी परमिट रुम बिअर बारमधील विविध कंपन्यांची एकूण दाेन लाख पाच हजार 141 रुपयांची दारू पळवली आहे असे नमूद केले आहे.

Edited By : Siddharth Latkar