नाशिक – शहरातील एबीबी सिग्नलवर दोन कारचा भीषण अपघात (Accident) झाला आहे. हा भीषण अपघात रात्री 1 वाजेदरम्यान घडला असल्याची माहिती समोर आली आहे. अपघातात 5 वर्षीय मुलाचा जागीच मृत्यू असून दोन्ही कारमधील 7 प्रवासी जखमी झाले आहेत. जखमींमध्ये 3 पुरुष आणि 4 महिलांचा समावेश आहे. काहींच्या डोक्याला गंभीर इजा झाल्या आहेत. एका कारचा चालक गंभीर जखमी असल्याची प्राथमिक माहिती मिळत आहे.जखमींवर सध्या जिल्हा सामान्य रुग्णालयात (Hospital) उपचार सुरू आहे.

हे देखील पहा -

महिंद्रा झायलो कार (MH1DC9746) आणि मारुती ब्रीझा (MH15GL3461) या गाड्याची जोरदार धडक झाली. हा अपघात इतका भीषण होता की दोन्ही कार उलटल्या झाल्या होत्या. प्रवासी कारमधून बाहेर फेकले गेले होते. दोन्ही गाड्यांचे मोठ्या प्रमाणात नुकसान झाले आहे. ब्रिझा कारचालकाला पोलिसांनी ताब्यात घेतले आहे. ब्रिझामधील कारचालक मद्यधुंद अवस्थेत कार चालवत असल्याची माहिती समोर आली आहे.