तुळजापूर ड्रग्सच्या विळख्यात सापडलंय...या ड्रग्स प्रकरणी पोलिसांनी कसुन चौकशी सुरू केलीये. त्यामुळे गावात खळबळ माजलीये...स आपल नाव या प्रकरणात येण्याच्या भीतीने तुळजापुरातून काहीजण गायब झाल्याची माहिती समोर आलीय.पाहुयात याबाबत एक खास रिपोर्ट

महाराष्ट्राची कुलस्वामिनी तुळजाभवानीचं तुळजापूर ड्रग्जपूर झालंय...या ड्रग्जपुरातून आता रोज नवनवे धक्कादायक खुलासे होतायत. या प्रकरणी आपले नाव येईल या भीतीने तब्बल 100 हून अधिक जण फरार झाल्याची धक्कादायक माहिती समोर येतेय.. याप्रकरणाचा पोलिसांकडून कसून तपास सुरूए. तर आत्तापर्यंत ड्रग्ज प्रकरणात 35 आरोपींविरोधात गुन्हा दाखल करण्यात आलाय. यामधील 14 आरोपींना अटक करण्यात आलीये.. फरार आरोपींचा पोलिस शोध घेतायत.

- ड्रग्स प्रकरणाची पाळंमुळं शोधण्यासाठी पोलिसांचा तपास

- सर्वसामान्य लोकांमध्ये भीतीचं वातावरण

- आरोपी स्थानिक,त्यामुळे आर्थिक व्यवहार झाल्याची भीती

- तुळजापुरात युवक, उद्योजकांना पोलिसांच्या नोटीस

तुळजापुरातील ड्रग्ज प्रकरणानं राज्याची मान शरमेनं खाली गेलीये. त्यातच मंदिरातील पुजारीच यात सहभागी असल्यानं तुळजापुरात राहताना कोणत्या ना कोणत्या कारणानं व्यवहार झाला असावा आणि त्यामुळे तपासात आपलंही नाव येईल ही भीती लोकांमध्ये आहे. भितीपोटी तुळजापुरातुन जवळपास शंभर लोक गायब झाल्याची माहिती आहे,तुळजापुरातून गायब झालेल्या लोकांचा ड्रग्स खरेदी विक्रीमध्ये सहभाग होता की ते फक्त आर्थिक व्यवहार झाल्यामुळे गायब आहेत हे पोलीस तपासात समोर येईल..