- संजय राठोड

Yavatmal News :

यवतमाळ जिल्ह्यातील पांढरकवडा रोड वरील सायखेडा गावा जवळ दोन ट्रकचा समाराेसमाेर भीषण अपघात झाला. या अपघातात दाेन्ही वाहनांचे माेठं नुकसान झाले असून 150 बकऱ्यांसह तिघांचा जागीच मृत्यू झाला आहे. या अपघातात अनेक बकऱ्या गंभीर जखमी झाल्या असून घटनास्थळी रक्ताचा सडा पडला आहे. (Maharashtra News)

या अपघाताबाबत मिळालेली प्राथमिक माहिती अशी : सायखेडा गावा जवळ असलेल्या वळणावर हा भीषण अपघात घडला. चंद्रपूर वरून सिमेंट घेवून यवतमाळकडे जाणारा ट्रक आणि यवतमाळ वरून पांढरकवडा मार्गे हैदराबादकडे जात असतानाचा दूसरा ट्रक सायखेडा गावा जवळ असलेल्या वळणावर समोरासमोर धडकले.

ही धडक इतकी जबरदस्त हाेती की दाेन्ही वाहनांचे माेठं नुकसान झाले. प्राथमिक माहितीनूसार या अपघातात 150 बकऱ्यांसह तीन जण जागीच ठार झाले. या अपघातामुळे यवतमाळ -चंद्रपूर रस्त्यावरील वाहतूक काही वेळेसाठी खोळंबली होती.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

Edited By : Siddharth Latkar