औरंगाबाद : नेहमी त्रास देणाऱ्या गुरुवर कारवाई करण्याच्या मागणीसाठी एका तृतीयपंथी (Transgender) यांनी अंगावर रॉकेल ओतुन आत्महत्या करण्याचा प्रयत्न केला आहे. ही घटना औरंगाबाद (Aurangabad) शहरातील महिला तक्रार निवारण केंद्रात घडली आहे. रॉकेल अंगावर घेणाऱ्या तृतीयपंथियाला दामिनी पथकाच्या पोलिसांनी (police) संबंधितांना ताब्यात घेतल्यामुळे पुढील अनर्थ टळला आहे. (Transgender self slaughter attempt to demand action on Guru)

हे देखील पहा-

औरंगाबाद शहरातील (City) महिला तक्रार निवारण केंद्रांमध्ये गुरुकडून मानसिक त्रास होत असल्याची तक्रार देण्यासाठी १० ते १५ तृतीयपंथीय आले होते. त्यांनी ठिय्या आंदोलनाला सुरुवात केली होती. ठिय्या देत असतानाच एका तृतीय पंथीयानी अंगावर रॉकेल ओतून घेतले. त्यामुळे एकच खळबळ उडाली होती. महिला पोलिसांनी तात्काळ तृतीय पंथीयास अडविण्यात आले.

तेव्हा त्यांनी त्रास देणाऱ्या गुरुवर कारवाई करा, अन्यथा आम्हाला इच्छामरणाची परवानगी द्या, अशी त्यांची मागणी होती. या आंदोलनात भरोसा सेलच्या वरिष्ठ पोलीस निरीक्षक किरण पाटील यांच्यासह उस्मानपुराच्या निरीक्षक गिता बागवडे यांनी मध्यस्थी करीत आंदोलकांची समजूत काढण्यात आली. तसेच संबंधितांवर योग्य ती कारवाई करण्यात येईल, असे आश्वासन दिले. त्यानंतर आंदोलकांनी माघार घेतली आहे.

Edited By- Digambar Jadhav