जितेश कोळी

Ratnagiri News : मुंबई-गोवा महामार्गावरून प्रवास करणाऱ्या वाहनांसाठी एक महत्वाची अपडेट समोर आली आहे. उद्यापासून म्हणजेच दिनांक 27 एप्रिलपासून 3 एप्रिल पर्यंत परशुराम घाटातील दिवसाची वाहतूक बंद ठेवण्याचा निर्णय प्रशासनाने जाहीर घेतला आहे.

दुपारी 12 ते संध्याकाळी 6 वाजण्याच्या दरम्यान घाटातील वाहतूक पूर्णतः बंद ठेवली जाणार आहे. महामार्गांवरील वाहतूक ही पर्यायी मार्गाने वळवण्याचा निर्णय घेण्यात आला आहे. लहान वाहनांसाठी पिरलोटे-चिरणी-आंबडस हा पर्यायी मार्ग ठेवण्यात आला आहे. (Latest News)

अवजड वाहनांच्या पर्यायी मार्गाची मात्र कोणतीच व्यवस्था करण्यात आलेली नाही. परशुराम घाटातील काम हे पावसाळ्यापूर्वी पूर्ण करण्यासाठी दिवसा या मार्गांवरील वाहतूक बंद ठेवण्याची परवानगी ठेकेदार कंपनीने जिल्हा प्रशासनाकडे मागितली होती.

पर्यायी मार्गाची चाचपणी केल्यानंतर आज संध्याकाळी परशुराम घाटातील वाहतूक बंद करण्याबाबत जिल्हा प्रशासनाने निर्णय जाहीर केला आहे. त्यामुळे उद्यापासून मुंबई-गोवा महामार्गांवर प्रवास करणाऱ्या वाहनांना वळसा मारून प्रवास करावा लागणार आहे. तर अवजड वाहनांना मात्र संध्याकाळ होईपर्यंत ताटकळत थांबावे लागणार आहे.