Accident CCTV Footage: थरारक अपघात; पिंपरी-चिंचवडमध्ये सिमेंट मिक्सर ट्रकखाली येऊन दुचाकीस्वाराचा मृत्यू

Pipmri Chinchwad News: पिंपरी चिंचवडमध्ये एक भयानक अपघात समोर आला आहे. या अपघातात एका दुचाकीस्वाराचा जागीच मृत्यू झाला. अपघाताच हा थरार सीसीटीव्ही कॅमऱ्यात कैद झाला आहे.

पिंपरी चिंचवड शहरातील पुनावळे परिसरात एका दुचाकीस्वाराचा सिमेंट मिक्सर ट्रक खाली येऊन दुर्देवी मृत्यू झाला आहे. काल रात्री पुनावळे परिसरातील काटे वस्ती या ठिकाणी हा दुर्दैवी अपघात झाला आहे. हा अपघात सीसीटीव्ही कॅमेऱ्यामध्ये कैद झाला आहे.  (Political News)

सीसीटीव्हीतील दृष्यांनुसार, दुचाकीवरुन एक तरुण जात होता. दरम्यान या तरुणाच्या बाईकने अचानक रस्त्यावरून पायी जाणाऱ्या तरुणाला धडक दिली.

या धडकेनंतर दुचाकीस्वार तरुण रस्त्यावर खाली पडला. याचवेळी मागून येणाऱ्या सिमेंट मिक्सर ट्रकच्या मागच्या चाकाखाली आला आहे. या अपघतात दुचाकीस्वार तरुणाचा जागेवरच दुर्दैवी मृत्यू झाला आहे.