Republic Day 2023 : आज भारतात प्रजासत्ताक दिन मोठ्या दिमाखात साजरा केला जात आहे. सर्वत्र आनंद आणि उत्साहाचं वातावरण पसरलं आहे. अशात सुट्टी असल्याने अनेक मुंबईकर झेंडा वंदनासाठी घराबाहेर पडलेत. मात्र त्यामुळे मुंबईत मोठ्या प्रमाणावर गर्दी उफाळून आली आहे. (Latest Republic Day 2023 News)

प्रजासत्ताक दिन साजरा करण्यासाठी मुंबईकर घराबाहेर पडल्याने वाहनांची संख्या मोठ्या प्रमाणावर वाढल्याचे दिसत आहे. अशात मुंबई- पुणे एक्स्प्रेस वेवर बोरघाटात वाहतूक धीम्या गतीने सुरू आहे. त्यामुळे रस्त्यावर वाहनांच्या लांबच लांब रांगा लागल्या आहेत.

सुट्टीचे औचित्य साधून नागरिक मोठ्या संख्येने खासगी वाहनाने बाहेर पडलेत. यामुळे मोठी वाहतूक कोंडी झाली आहे. प्रजासत्ताक दिन साजरा केल्यावर अनेकांचा बाहेर फिरण्याचा देखील प्लॅन आहे. नागरिक फिरण्यासाठी घराबाहेर पडत असल्याने वाहतूक कोंडी झाली आहे. मुंबई- पुणे एक्स्प्रेस वेवर वाहनांच्या लांब रांगा लागल्या आहेत.