Ratnagiri News : रत्नागिरी जिल्ह्यात ठिकठिकाणी पावसाची बॅटिंग सुरुच आहे. येथे सुरु असलेल्या पावसामुळे रस्त्यांची बिकट अवस्था झाली आहे. दरम्यान पहिल्याच पावसाचा मुंबई गोवा महामार्गावरील रस्त्याला देखील माेठा फटका बसला आहे. बहुतांश ठिकाणी छाेटे माेठे खड्डे पडले आहेत. यामुळे महामार्गावरुन प्रवास करणा-यांचे हाल हाेताहेत. (Maharashtra News)

सतत पडणा-या पावसामुळे मुंबई गोवा महामार्गावरील (mumbai goa highway) रस्ता खचला आहे. ही घटना हातखंबा ते निवळी दरम्यान घडली आहे. रस्ता खचल्याने वाहनधारकांना मार्गक्रमण करण्यात अडचणी येताहेत. यामुळे मुंबई गोवा महामार्गावरून एकेरी वाहतूक सुरु आहे.

मुंबई गोवा महामार्गाचे चौपदरीकरण सुरु आहे. या भागात पावसाचा जाेर वाढला आहे. ज्या भागात रस्ता खचला आहे तेथे कालपासून ठेकेदारानं दुर्लक्ष केल्याचे ग्रामस्थांचे म्हणणे आहे. दरम्यान आज (गुरुवार) जेसीबीच्या साह्याने खचलेला भागाची डागडूजी सुरु आहे. परंतु पावसाचा अडथळा येतच आहे.

दरम्यान पावसाचा फटका रत्नागिरी - गणपतीपुळे मार्गाला देखील बसला हाेता. भंडारपुळेत पावसाचं पाणी रस्त्यावर आले हाेते. त्यामुळे दोन्हीकडची वाहतूक ठप्प झाली हाेती. रत्नागिरी जिल्ह्यात चार दिवस मुसळधार पावसाचा इशारा देण्यात आला हाेता. अनेक भागात दमदार पाऊस पडला. तसेच दक्षिण रत्नागिरी आणि उत्तर रत्नागिरीत पाऊसधारा सुरु हाेत्या.

Edited By : Siddharth Latkar