वर्धा, सेलू : वर्ध्याहून नागपूरच्या दिशेने सोयाबीन घेऊन जाणाऱ्या भरधाव ट्रकने कोंबड्या वर्धा, सेलू : वर्ध्याहून नागपूरच्या दिशेने सोयाबीन घेऊन जाणाऱ्या भरधाव ट्रकने कोंबड्या घेऊन जाणाऱ्या मिनी ट्रकला जोराची धडक दिली. या धडकेत एका व्यक्तीचा जागीच मृत्यू झाला. बुधवारी पहाटे पावणेसहा वाजेच्या सुमारास हा अपघात झाला. अक्षय सहारे (वय ३५, रा. रुई जि. यवतमाळ) असे अपघातात मृत्युमुखी पडलेल्या युवकाचे नाव आहे. अपघात इतका भीषण होता की, यामध्ये मिनी ट्रकमधील हजारो कोंबड्यांचा बळी गेला आहे. (Track And Mini Truck Accident In Wardha Nagpur Highway)

मिळालेल्या माहितीनुसार, वर्ध्याहून सोयाबीन घेऊन नागपूरच्या दिशेने भरधाव वेगाने ट्रक निघाला होता. यावेळी कान्हापूर नजीक आल्यानंतर या ट्रकने कोंबड्या वाहून नेणाऱ्या मिनी ट्रकला पाठीमागून जोराची धडक दिली. या धडकेत मिनी ट्रक हा थेट रस्ता दुभाजकावर आडवा झाला. धडक इतकी भीषण होती की, मिनी ट्रकमधील हजारो कोंबड्या मृत्यूमुखी पडल्या. यातील काही कोंबड्या गाडीबाहेर पडून रस्त्यावर विखूरल्या होत्या.

दुसरीकडे धडक देणारा ट्रक सुद्धा रस्त्यालगत असलेल्या खाईत कोसळला. या अपघातात ट्रकमधील अक्षय सहारे नामक व्यक्तीचा जागीच मृत्यू झाला. सदरील अपघाताची माहिती स्थानिक नागरिकांनी पोलिसांना दिली. घटनेची माहिती मिळताच पोलिसांनी घटनास्थळी धाव घेत जखमींना सेवाग्राम रुग्णालयात उपचारासाठी दाखल केले. याप्रकरणी स्थानिक पोलिसांनी गुन्हा दाखल केला असून पुढील तपास पोलीस करत आहेत.

Edited By - Satish Daud