अमर घटारे

अमरावती - रविवारी अमरावती जिल्ह्यातील अचलपूर येथे जातीय दंगल झाल्यानंतर अचलपूर, परतवाडा, कांडली व देवमाळी या ठिकाणी संचारबंदी लावण्यात आली आहे. आज या संचारबंदीचा तिसरा दिवस असून संचारबंदीमुळे (Curfew) जनजीवन विस्कळीत झाले असून अर्थचक्र थांबलं आहे. तर काल पासून वेगवेगळ्या वेळात संचारबंदीत शिथिलता देण्यात आली होती. मात्र आज सकाळी ६ ते ९.३० वाजेपर्यंत संचारबंदीपासून शिथिलता देण्यात आली आहे. त्यामुळे काही प्रमाणात नागरिकांना दिलासा मिळाला आहे.

हे देखील पाहा -

या साडेतीन तासात नागरिकांना खरेदीसाठी बाहेर येता येणार आहे. मात्र नंतर पुर्णवेळ तिथं संचारबंदी कायम असणार आहे. दोन दिवसांनी सकाळी रस्त्यावर रेलचेल दिसून आली तर नागरिकांकडून काही प्रमाणात समाधान व्यक्त करण्यात आले. तर लवकरच जनजीवन सुरळीत व्हावं अशी अपेक्षा करण्यात येत आहे. तर दुपार नंतर परिस्थिती पाहून संचारबंदी उठवण्याची शक्यता आहे. मात्र रात्रीची संचारबंदी कायम असणार असल्याची माहिती सूत्रांनी दिली.

Edited By - Shivani Tichkule