अमर घटारे, अमरावती

Amravati Police: अमरावतीमध्ये स्टेट बँक ऑफ इंडियाचे (State Bank Of India) एटीएम मशीन (ATM Machine) फोडल्याची घटना समोर आली आहे. दरोडेखोरांनी हे एटीएम मशीन फोडून तब्बल 17 लाख रुपयांची रोकड लंपास केली आहे. गॅस कटरच्या मदतीने त्यांनी हे एटीएम मशीन फोडले. याप्रकरणाचा तपास अमरावती पोलिस (Amravati Police) करत आहेत

मिळालेल्या माहितीनुसार, अमरावती तालुक्यातील जरूड येथे ही घटना घडली आहे. वानखडे पॅलेसमध्ये असलेल्या एसबीआय बॅकेच्या शेजारी असलेले एटीएम मशीन अज्ञात दरोडेखोरांनी फोडले. या एटीएम मशीनमधील तब्बल 17 लाख रुपये चोरीला गेल्याची माहिती समोर आली आहे. ही एटीएम मशीन फोडताना दरोडेखोर सीसीटीव्हीत कैद झाले आहेत. गॅस कटरच्या सहाय्याने त्यांनी हे एटीएम मशीन फोडले.

सीसीटीव्ही टाईमनुसार, शुक्रवारी पहाटे 2.56 वाजता ही घटना घडली. तीन ते चार दरोडेखोर असल्याचे सीसीटीव्हीत दिसत आहे. लाल रंगाची T04 23 HR 2520 कार सीसीटीव्ही कॅमेऱ्यामध्ये कैद झाली आहे. दरोडेखोरांनी गॅस कटरचा वापर करून हे एटीएम मशीन फोडले. त्यानंतर त्यांनी तब्बल 17 लाख रुपये घेऊन घटनास्थळावरुन फरार झाले. घटनेची माहिती मिळताच अमरावती पोलिसांनी घटनास्थळी धाव घेत तपास सुरु केला. सीसीटीव्ही फूटेजच्या मदतीने पोलिस या दरोडेखोरांचा शोध घेत आहेत.