दीपक क्षीरसागर

लातूर : आज देशभर प्रजासत्ताक दिन साजरा करण्यात व्यस्त असताना लातुर (Latur) जिल्ह्यातील औसा तालुक्यातील किल्लारी येथील जिल्हा मध्यवर्ती सहकारी बँकेवर (DCC Bank) डल्ला मारला आहे. 26 जानेवारीच्या मध्यरात्री अज्ञात दोन चोरट्यांनी पहाटे अडीच ते तीन वाजण्याच्या सुमारास गॅस कटरच्या साह्याने तिजोरी फोडली. (Latur DCC Bank Robbery News Today)

गॅस कटर हे आकाराने मोठ्या आकाराचे असल्याने आणखी साथीदार असण्याची शक्यता आहे. दरम्यान, अंदाजे 12 लाखाच्या जवळपास रक्कम लांबवली आहे. आज प्रजासत्ताक दिनानिमित्त (Republic Day) झेंडावंदन करण्यासाठी बँक व्यवस्थापक आणि कर्मचारी बँकेत पोहोचले असता चक्क तिजोरी फोडल्याचे दिसून आले आहे. (Latur News In Marathi)

हे देखील पहा-

तात्काळ किल्लारी पोलिसांना याची माहिती दिली असता घटनास्थळी पोलीस फौजफाटा दाखल झाला आहे. सदरील चोरांचा शोध घेण्यासाठी फिंगर प्रिंट तज्ञ पथक आणि श्वानपथक मागवून चोरांचा माग काढणार असून नेमकी रक्कम किती चोरीला गेली हे तपासणी झाल्यानंतर कळणार आहे. उपविभागीय पोलीस अधिकारी मधुकर पवार यांनी सांगितले आहे.