सांगली: सांगली आणि सोलापूर जिल्ह्यात चोऱ्या करणारा रेकॉर्डवरील आरोपीला विटा पोलिसांनी पकडले आहे. सिताराम लक्ष्मण येडगे असे त्याचे नाव आहे असून तो सोलापुरचा आहे. त्याच्या ताब्यातील १० लाख १२ हजार रुपये किंमतीचे चोरीचे साहित्य जप्त केल्याचे पोलिस निरीक्षक संतोष डोके यांनी सांगितले. (Thieves on record caught by police; Ten lakh worth of property confiscated)

हे देखील पहा -

खानापूर तालुक्यातील करंजे खानापूर येथील शिवेच्या मळ्यातून घरासमोर लावलेला ट्रॅक्टर ४ ऑगस्ट २०२१ रोजी चोरी झाल्याची फिर्याद मारूती विठोबा माने यांनी विटा पोलिसात दिली होती. त्याचा तपास करत असताना खबऱ्याद्वारे माहिती मिळाली असता आरोपी येडगे याला विटा येथे ताब्यात घेण्यात आले. त्याच्याकडे अधिक चौकशी केली असता सांगली व सोलापूर जिल्ह्यात चोऱ्या केल्याची त्याने कबुली दिली आहे.

त्याच्याकडून वेगवेगळ्या ठिकाणी चोऱ्या केलेला ३ लाख ३४ हजाराचा एक ट्रॅक्टर, ४ लाख ५८ हजार रूपयांचे सहा रोटर, ५५ हजारांचे एक औषध फवारणी करण्याचे यंत्र, ९९ हजारांचे स्टाईल फरशीचे ९९ बॉक्स, ५० हजार रुपये किंमतीचे एक टन लोखंडी अॅंगल, ४ हजार ५०० रुपयांची आठ सिमेंट पत्र्याची पाने व १२ हजाराचे आठ रंगाचे डबे असा १० लाख १२ हजार ५०० रूपयांचा मुद्देमाल जप्त करण्यात आला असून त्याच्यावर कवठेमहांकाळ, आटपाडी, सांगोला, विटा पोलिसात चोरीचे गुन्हे दाखल असल्याचे डोके यांनी सांगितले.

Edited By - Akshay Baisane