सांगली : सांगलीच्या मिरज येथील आस्था बेघर महिला केंद्रात. एक आगळा वेगळा विवाह संपन्न झाला आहे. यापूर्वी अनाथ निराधार मुलींची विवाह झालेले आहेत. परंतु, बेघर केंद्रातील आश्रित असलेल्या 66 वर्षाच्या शालन यांचा 79 वर्षीय दादासाहेब साळुंखे यांच्याशी विवाह संपन्न झाला आहे. एका बेघर वृद्धाला आसरा देण्याचा आनंद सोहळा संपन्न झाला आहे. वयाचे बंधन झुगारून, पार पडलेल्या विवाह सोहळ्याचे सर्वत्र कौतुक होत आहे.

शालिनी यांच्या पतीचे आणि मुलाचे अकाली निधन झाल्यानंतर जीवनाची फरफट होत होती. महापालिका बेघर केंद्रात आधार शोधत 66 वर्षाच्या शालिनी आले होते. तर दुसरीकडे निवृत्त शिक्षक दादासाहेब साळुंखे वय वर्षे 79 यांच्या ही पत्नीचे निधन झाले होते. मुलांचे विवाह झाल्यानंतर मुले आपापल्या प्रपंचात मशगुल झाल्याने, दादासाहेब याच्या पोटाचा प्रश्न निर्माण झाला होता.

हे देखील पहा-

वाढतं वय आणि वेळेवर पोटाला खायला मिळत नाही. पुढील आयुष्यात पर्याय शोधण्यासाठी पुनर्विवाहाची  सहमती घेतली. वधुच्या शोधात असताना जीवनाची सोबती बेघर केंद्रात सापडली. एकमेकांचे विचार सुख- दुःख वाटून घ्यायचा निर्णय घेतला आहे. आणि मुहूर्त ठरला. पाहुणे बेघर केंद्रातील समदुःखी महिला वधू शालिनी पाषाण पुणे येथील आहेत. तर निवृत्त शिक्षक दादासाहेब साळुंखे हे सांगलीच्या तासगाव येथील कवठेएकंद येथील आहेत.

यावेळी ज्येष्ठ वधू- वरांचे समुपदेशन करण्यात आले. समाज सुधारक सावित्रीबाई आणि महात्मा फुले यांच्या फोटोला पुष्पहार आणि वृक्षाला पाणी घालून, फुलांच्या अक्षदा टाकण्यात आले आहेत. परंपरेने चालत आलेल्या चांगल्या गोष्टीचे अनुकरण आणि कालबाह्य झालेल्या पद्धतीला फाटा देऊन, वयाचे बंधन झुगारून, पार पडलेल्या विवाह सोहळ्याचे सर्वत्र कौतुक होत आहे.

Edited By- Digambar Jadhav