बीड: बीडमध्ये अनोखी शक्कल लढवत दरोडेखोरांनी (Robbers) दरोडा (Robbery) टाकल्याचा प्रकार समोर आलाय. "चुप बैठो हम कोरोना टेस्ट कर रहे है" म्हणत घरातील वृद्ध दाम्पत्यास (Old Couple) शस्त्राचा धाक दाखवून काठीने मारहाण करत दरोडेखोरांनी घरातील सोन्या - चांदीच्या दागिन्यांसह रोख रक्कम लुटली आहे. हा धक्कादायक प्रकार माजलगाव (Majalgaon) शहरातील शिक्षक कॉलनीत काल मध्यरात्री दोन वाजण्याच्या सुमारास घडला आहे. यावेळी सहा अज्ञात दरोडेखोरांनी वयोवृध्द दांपत्यास मारहाण देखील केली असून या घटनेने माजलगाव शहरात भीतीचे वातावरण निर्माण झाले आहे. (The robbers robbed the elderly couple, saying, "Shut up, we are testing the corona.")

हे देखील पहा -

शेतकरी कुटुंबातील लक्ष्मणराव शिंदे व सावित्री लक्ष्मण शिंदे हे वृंद दाम्पत्य आपल्या तीन विवाहित मुलं, सुना आणि नातवंडसह भाटवडगाव येथील शिक्षक कॉलनीत राहतात. रात्री 11 च्या दरम्यान मोठा मुलगा राजेश शिंदे घरी उशिरा आला व घराच्या मेन गेटला आतून कुलूप लावून आपल्या पत्नीला घेऊन वरच्या मजल्यावर झोपण्यासाठी गेला. दरम्यान खालच्या हॉलमध्ये वृद्ध असणारे संजीवनीबाई व लक्ष्मणराव झोपून गेले. मध्यरात्री दोन वाजण्याच्या सुमारास घराच्या मेन गेटचे कुलूप तोडत असल्याचा आवाज शिंदे वृद्ध दांपत्याला झाला. दरम्यान 6 अज्ञात दरोडेखोरांनी दरवाजा तोडत घरात प्रवेश केला.

यावेळी शिंदे दाम्पत्याने आरडाओरडा करण्याचा प्रयत्न करतातच, शस्त्राचा धाक दाखवून त्यांना हातातील काठीने मारहाण करण्यास सुरुवात केली. "चुप बैठो हम यहा कोरोना टेस्ट (Corona Test) कर रहे है" असे दरडावून म्हणत. घरातील सामानाची नासधूस करत कपाट धुंडाळले. यावेळी त्यांनी घरातील रोकडीसह कपाटातील सोन्याचांदीचे दागिने असा 2 लाख 47 हजार रुपयांचा ऐवज लुटला व घराला बाहेरून बंद करून घरातून पोबारा केला. दरम्यान या दरोड्यामुळे परिसरात दहशतीचे वातावरण पसरले आहे. याप्रकरणी अज्ञात दरोडेखोरांविरोधात माजलगाव शहर पोलीस ठाण्यात कलम 395, 357, 342 नुसार गुन्हा (Crime) दाखल करण्यात आला आहे.

Edited By - Akshay Baisane