चंद्रपूर : जन्मदात्या आईनेच सुपारी देऊन मुलीचा खून केल्याची धक्कादायक घटना चंद्रपूर जिल्ह्यात (Chandrapur District) उघडकीस आली आहे. विरूर पोलिसांनी या घटनेचा खुलासा केला आहे. १८ फेब्रुवारीला एका अज्ञात महिलेचा राजुरा तालुक्यातील कविटपेठ येथे विहिरीत मृतदेह आढळला होता. या परिसरात अज्ञात असलेल्या या महिलेची ओळख पटविण्यासाठी विरूर पोलिसांनी तेलंगणा आणि आंध्रप्रदेशमध्ये (Telangana and Andhra Pradesh) तिचे फोटो पाठवले. त्यावरून मयत महिलेचे नाव सैदा बदावत वयवर्ष ३० असे असून ती तेलंगणाच्या विजयवाडा जिल्ह्यातील कोंडापल्ली येथील रहिवासी असल्याची माहिती पुढे आली आहे.

पतीपासून विभक्त राहणारी सैदा गर्भवती (Pregnant) राहिल्याने तिच्या चारित्र्याबाबत आईला शंका आली होती. त्यामुळे गर्भपात करण्याच्या बहाण्याने तिच्या आईने मुलीला राजुरा तालुक्यातील मुंडीगेट येथील नातेवाईकाकडे पाठवले. ३० हजारांसाठी मुंडीगेट येथील नातेवाईक सीन्नू आणि त्याची पत्नी शारदा यांनी विहिरीत ढकलून सैदाचा खून केला. मात्र पोलिसांनी (Police)आरोपींचे कॉल डिटेल्स आणि बयाणातील विसंगती यांच्या आधारे खुनाचा उलगडा केला आणि सैदाची आई लचमी, नातेवाईक सीन्नू आणि शारदा यांना अटक केली आहे.

Edited By - Jagdish Patil