Sushma Andhare News : 'नागपूर आणि बीड यांचा संघर्ष पहिल्यापासून चालत आला आहे. केंद्रीय गडकरी नितीन गडकरी हे गोपीनाथ मुंडे यांना जाणीवपूर्वक ट्रॅपमध्ये अडकवत होते, असा गोफ्यस्पोट शिवसेना ठाकरे गटाच्या उपनेत्या सुषमा अंधारे यांनी जाहीर सभेत केला आहे. आता देवेंद्र फडणवीस हे पंकजा ताई मुंडे यांना अडकवत असल्याची टीका सुषमा अंधारे यांनी केली आहे. (Latest Marathi News)

सुषमा अंधारे यांची यात्रा महाप्रबोधना यात्रा भंडारा जिल्ह्यात पोहोचली आहे. भंडारा जिल्ह्यातील सभेत सुषमा अंधारे यांनी भाजपवर जोरदार टीकास्त्र सोडलं. सुषमा अंधारे यांनी यावेळी संभाजी भिडे यांच्यावरही टीका केली. 'टिकलीवरून महिला पत्रकाराला बोलणारे संभाजी भिडे हे अमृता फडणवीस वहिनींना मंगळसुत्रावरील वक्तव्यावर बोलतील का ? असा प्रश्न सुषमा अंधारे यांनी केला.

मुंबईच्या साम टीव्हीच्या महिला पत्रकाराला मुलाखत घेताना 'तुम्ही टिकली नाही म्हणून मी प्रतिक्रिया देणार नाही, असे वक्तव्य संभाजी भिडे यांनी केले होते. दरम्यान, अमृता फडणवीस (Amruta Fadnavis) या मंगळसूत्र घालते की मला गळा आवळल्या सारखे होते असा म्हणाल्या. यावरून संस्कृती जपणारे संभाजी भिडे हे अमृता फडणवीस यांना जाब विचारतील का? असा सवाल सुषमा अंधारे यांनी केला.

...आणि मुलीच्या फोटो पाहून सुषमा अंधारे जाहिर सभेत रडल्या

आपल्या मुलीच्या फोटो भेट स्वरुपात पाहून सुषमा अंधारे जाहिर सभेत रडल्या. मागील महिनाभरापासून शिवसेना ठाकरे गटाच्या उपनेत्या सुषमा अंधारे या महाप्रबोधन यात्रेनिमित्त राज्याच्या दौऱ्यावर आहेत. त्यामुळे त्यांच्या चिमुकलीची भेट न होत असल्याने त्या भावुक झाल्याचे चित्र भंडारा येथील सभेदरम्यान पाहायला मिळाले.

भंडारा येथील पदाधिकाऱ्यांनी सुषमा अंधारे यांना त्यांच्या छोट्या मुलीसह चा एक फोटो सप्रेम भेट दिल्यानंतर हा भावनिक स्पर्श पाहायला मिळाला. आपल्या मुलीचा फोटो पाहून सुषमा अंधारे यांच्या डोळ्यात अश्रू तरळले.