New Delhi: माजी नगरसेविका आणि शिवसेना नेत्या शितल म्हात्रे यांच्या कथित व्हायरल व्हिडिओ प्रकरणाने राज्याचे राजकारण चांगलेच तापले आहे. काही दिवसांपूर्वी शितल म्हात्रे आणि आमदार प्रकाश सुर्वे यांचा एका रॅलीमधील व्हिडिओ समाजमाध्यमांवर प्रसारित झाला होता, ज्यानंतर शिंदे गट आणि ठाकरे गटामध्ये जोरदार संघर्ष सुरू असल्याचे पाहायला मिळत आहे. या प्रकरणात ठाकरे गटाच्या कार्यकर्त्यांना अटकही करण्या आली आहे.

याबद्दल बोलताना खासदार संजय राऊत (Sanjay Raut) यांनी जोरदार हल्लबोल करत मुंंबईत मुका घ्या मुकाचे कार्यक्रम सुरू असल्याची खोचक टीका केली आहे.

काय म्हणाले खासदार संजय राऊत..

राज्यात सध्या सुरू असलेल्या शितल म्हात्रे व्हायरल व्हिडिओ प्रकरणावरुन ठाकरे गटाचे नेते खासदार संजय राऊत यांनी जोरदार हल्लाबोल केला. "राज्यात मुका घ्या मुकाचे कार्यक्रम सुरू आहेत, असे म्हणत ठाकरे गटाच्या कार्यकर्त्यांना अटक का केली जात आहे, पहिले गुन्हेगार सुर्वे आहेत, त्यांच्या मुलाला अटक का केली नाही, असा सवाल संजय राऊत यांनी उपस्थित केला. तसेच यावेळी बोलताना आम्ही मुका घ्यायला सांगितला होता का," अशी खोचक टीकाही संजय राऊत यांनी केली...

आदित्य ठाकरेंचे केले कौतुक... (Sanjay Raut On Aditya Thackeray)

यावेळी संजय राऊत यांनी आदित्य ठाकरे यांचा समावेश वर्ड इकॉनॉमिक फोरममध्ये समावेश झाल्याबद्दल अभिनंदन केले. "बाळासाहेब ठाकरे शक्तिशाली नेते होते आणि त्यांचे नातू आदित्य ठाकरे यांचा समावेश वर्ड इकॉनॉमिक फोरममध्ये समावेश होणे हे महाराष्ट्राच्या आणि देशाच्या दृष्टीने गौरव आहे, आदित्य एक मंत्री, नेता म्हणून जागतिक ठसा उमटवत आहेत, आदित्य हे एक राजकीय भविष्य आहे," असे ते यावेळी म्हणाले..

विरोधी पक्षचं टार्गेट...

"ठाकरे परिवार, सहकारी यांचे बाबतीत खोटे गुन्हे दाखल केले जात आहेत. संपत्तीचा विषय, व्हिडिओ मॉंर्फिंगचा विषय, फक्त शिवसेना आणि ठाकरे परिवार यांना लक्ष करून राजकारण सुरू आहे, राज्यात खोके वाल्यांच्या संपत्तीचा हिशोब मागायला हवा पण ते आमच्या संपत्तीचा हिशोब मागत आहेत," असे म्हणत फक्त विरोधी पक्षांना टार्गेट केले जात असल्याचा आरोपही त्यांनी यावेळी केला. (Maharashtra Politics)