अभिजीत देशमुख

Kalyan News: ठाकरे गटाची पडझड सुरूच आहे. ठाकरे गटाचे उपजिल्हाप्रमुख अरविंद मोरे यांनी ठाकरे गटाला 'जय महाराष्ट्र' ठोकला आहे. आता अरविंद मोरे हे मुख्यमंत्री एकनाथ शिंदेंच्या शिवसेनेत प्रवेश करणार आहे. अरविंद मोरे यांनी पक्षाला सोडचिठ्ठी दिल्याने उद्धव ठाकरेंना मोठा धक्का मानला जात आहे. (Latest Marathi News)

ठाकरे गटाचे उपजिल्हाप्रमुख अरविंद मोरे हे कल्याणमध्ये ३८ वर्षे शिवसेनेत कार्यरत आहेत. शाखाप्रमुख ,विभागप्रमुख , शहरप्रमुख ,नगरसेवक ,सभागृह नेता आता उपजिल्हाप्रमुख म्हणून अरविंद मोरे कार्यरत होते. अशी अनेक पदे त्यांनी भूषवली.

एकनाथ शिंदे यांचे खंदे समर्थक अशी अरविंद मोरे यांची ओळख होती. मात्र शिवसेनेत फूट पडल्यानंतर अरविंद मोरे यांनी ठाकरे गटाला समर्थन केलं होतं. आता मोरे यांनी ठाकरे गटाची साथ सोडण्याचा निर्णय घेतला आहे.

'ठाकरे गटात स्थानिक पातळीवर एकाधिकारशाही सुरू आहे. मानसन्मान मिळत नसल्याने शिवसेनेत प्रवेश करत असल्यची प्रतिक्रिया दिली आहे. अरविंद मोरे यांच्या सोडचिठ्ठीमुळे कल्याणमध्ये ठाकरे गटाला मोठे भगदाड पडल्याचे बोलले जात आहे. अरविंद मोरे यांच्या शिंदे गटाच्या प्रवेशाने कल्याणमधील ठाकरे गटाला मोठा धक्का बसला आहे.

आज सायंकाळी शिवसेनेत प्रवेश करणार

ठाकरे गटात नेत्यांची पडझड सुरूच आहे. कल्याणमध्ये अरविंद मोरे यांनी ठाकरे गटाची साथ सोडली आहे. ठाकरे गटाचे उपजिल्हाप्रमुख अरविंद मोरे सायंकाळी शिवसेनेनेत प्रवेश करणार आहे. मुख्यमंत्री एकनाथ शिंदे (Eknath Shinde), खासदार श्रीकांत शिंदे यांच्या उपस्थितीत अरविंद मोरे हे प्रवेश करणार आहे.