तब्बल 20 वर्षांनी ठाकरे बंधूंनी मुंबईसाठी एकीचा नारा दिला... युतीची घोषणाही झाली.. मात्र उमेदवारी अर्ज दाखल करण्यासाठी अवघे 48 तास बाकी असतानाही मनसे आणि ठाकरेसेनेतील जागा वाटपाचा तिढा काही सुटत नसल्याचं चित्र आहे... मराठी पट्ट्यातील जागांबरोबरच आमदार आणि खासदारांच्या घराणेशाहीमुळे जागा वाटपात जोरदार रस्सीखेच सुरु असल्याची माहिती सुत्रांनी दिलीय...

ठाकरे बंधूंमध्ये जागा वाटपाचा पेच

- मराठी बहुल भागांमध्ये जागावाटपांचा पेच

- मनसेला हव्या अतिरिक्त 18 जागा

- दादर-माहिम, वरळी, शिवडी, विक्रोळी, भांडुप, जोगेश्वरी, चांदिवलीतील जागांसाठी आग्रही

- प्रत्येक मतदारसंघात मनसेला हव्या 2 ते 3 जागा

- मातोश्रीतील बैठकीत मनसेचा प्रस्ताव

मुंबई महापालिकेसाठी ठाकरे बंधूंनी एकत्र येत युतीची घोषणा केली.. मात्र त्याआधीही दोन्ही पक्षांमध्ये जागा वाटपाच्या चर्चेच्या फेऱ्या सुरुच होत्या... आता उमेदवारी अर्ज दाखल करण्यासाठी अवघे 48 तास बाकी आहेत... मात्र त्यानंतरही दोन्ही पक्षांच्या जागा वाटपासाठी बैठकांचं सत्र सुरुच आहे...त्यातच मनसे आणि ठाकरेसेनेत 194 आणि वॉर्ड 111 वरुन रस्सीखेच सुरु आहे...

मात्र त्यामागे कारण लपलंय आमदार आणि खासदारांच्या नातेवाईकांनी केलेली उमेदवारीची मागणी... वॉर्ड 194 मधून संतोष धुरी मनसेचे माजी नगरसेवक आहेत.. मात्र तिथं ठाकरेसेनेचे आमदार सुनील शिंदेंचे भाऊ निशिकांत शिंदे इच्छूक आहेत.. तर वॉर्ड 111 मध्ये संजय राऊतांचे भाऊ संदीप राऊतांनीही निवडणूक लढवण्याची घोषणा केलीय...

संजय राऊतांनी मात्र जागा वाटपात कुठलीही रस्सीखेच नसल्याचं सांगितलंय... तर मनसे आणि ठाकरेसेनेतील जागावाटपातील रस्सीखेचमुळे शिंदेसेनेच्या हाती आयतं कोलित मिळालंय.. ठाकरेसेना आणि मनसेतला वाद काही जागांपुरता मर्यादित असला तरी यामुळे जागावाटपावर शिक्कामोर्तब रखडलंय. आता या जागांवर आमदार-खासदारांच्या भावानांच उमेदवारी मिळणार की निष्ठावंतांना संधी मिळणार? यावर विजयाचं समीकरण अवलंबून असणार आहे...