महापालिकांची प्रभाग रचना जाहीर झाल्यानंतर मनसे अध्यक्ष राज ठाकरेंनी पुण्याचा दौरा केला. यावेळी ठाकरेंनी मतचोरीसंदर्भात पदाधिकाऱ्यांना महत्त्वाच्या सूचना देत मोठा गौप्यस्फोट केलाय.

दरम्यान राज ठाकरेंनी मतचोरीवरून विरोधकांसमोर ठेवलेल्या प्रस्तावाचीही आठवण करून दिली. राज ठाकरे नेमकं काय म्हणाले

राज ठाकरे काय म्हणाले? - HDR

2016 पासून सांगतोय मतांमध्ये गडबड आहे

लोकसभेवर बहिष्कार टाका तेव्हा जागतिक बातमी होईल

बाहेरच्या देशातून दबाव येईल तेव्हा यांना जाग येईल

राहुल गांधींनी मत चोरी संदर्भात आवाज उठवला, त्याकडे लक्ष द्या

मतचोरीची चौकशी झाली पाहिजे, 10-12 वर्षांचा खेळ उघडा पडेल

दुसरीकडे उद्धव ठाकरेंनीही मतचोरीविरोधात रान उठवलंय.. कार्यकर्त्यांना याद्या तपासण्याचे आदेश दिलेत.. तर जोवर सत्य स्वीकारणार नाही, तोवर विरोधी पक्षांची अवस्था अशीच राहील, अशी टीका मुख्यमंत्री देवेंद्र फडणवीसांनी केलीय.

मतचोरीविरोधात ठाकरे बंधू मैदानात

मतचोरीविरोधात काँग्रेस, शरद पवारांचा राष्ट्रवादी पक्ष मैदानात आलेला असताना ठाकरे बंधूही कार्यकर्त्यांना मतदार याद्या तपासण्याचे आदेश देत पुढे सरसावलेत. मतचोरीचा मुद्दा आणि ठाकरे बंधुंची वज्रमुठ त्यांना पालिका निवडणुकीत यश देणार का? याकडे सगळ्यांचं लक्ष लागलंय.