- मनाेज जयस्वाल

Washim News : शेतक-यांच्या प्रलंबित मागण्यांच्या पुर्ततेसाठी स्वाभिमानी शेतकरी संघटनेने (swabhimani shetkari sanghatana latest news) केलेल्या आवाहनानूसार आज (गुरुवार) मालेगाव शहरात कडकडीत बंद पाळण्यात आला आहे. यामुळे आज बाजारपेठेत पुर्णत: शांतता आहे. (Maharashtra News)

स्वाभिमानी शेतकरी संघटनेने केलेल्या मालेगाव बंदच्या आवाहनाला प्रतिसाद देत कृषी उत्पन्न बाजार समितीसह सर्व व्यावसायिकांनी आज त्यांचे व्यवहार बंद ठेवले आहेत. या बंदमध्ये छाेटे माेठे व्यावसायिक देखील सहभागी झाले आहेत. तसेच कृषी व्यवसायिकांनी देखील बंदला पाठिंबा दिला आहे.

स्वाभिमानीने सोयाबीनला किमान ८ हजार रुपये भाव देण्यात यावा. पिकविम्याची अग्रीम रक्कम देण्यात यावी. यलो मोझ्याकच्या तक्रारी ग्राह्य धरून संपुर्ण पीक विमा मंजूर करावा. खरीप 2023 मध्ये झालेल्या अतिवृष्टीची मदत देण्यात यावी व 2022 मध्ये झालेया अतिवृष्टी व गारपिटची मदत राहिलेल्या शेतकऱ्यांना (farmers) तात्काळ देण्यात यावी अशी मागणी केल्याची माहिती स्वाभिमानी शेतकरी संघटनेचे युवक प्रदेशाध्यक्ष दामुअण्णा इंगोले यांनी नमूद केले.

Edited By : Siddharth Latkar