Sushma Andhare :

ठाकरे गटाच्या नेत्या सुषमा अंधारे यांच्या अडचणीत आल्या आहेत. मंत्री शंभूराज देसाई यांची बदनामी केल्याप्रकरणी सुषमा अंधारे यांच्याविरोधात पोलिसात तक्रार दाखल करण्यात आलीय. सातारा जिल्ह्यातील सर्वपक्षी- सर्व जातीय आणि सर्वधर्मीय यांनी अंधारे विरोधात तक्रार दाखल केलीय. (Latest News)

गेल्या काही दिवसांपासून ड्रग्ज माफिया ललित पाटील यांच्यावरून आरोप-प्रत्यारोप केले जात आहेत. ठाकरे गटाच्या नेत्या सुषमा अंधारे यांनी या प्रकरणावरून सार्वजनिक बांधकाम मंत्री दादा भुसे आणि उत्पादन शुल्कमंत्री शंभूराज देसाई यांच्यावर गंभीर आरोप केलेत. ललित पाटील ड्रग्जप्रकरणी दादा भुसे आणि शंभूराज देसाई यांची नार्को टेस्ट करण्याची मागणी सुषमा अंधारे यांनी केली होती.

दरम्यान तर दादा भुसे आणि शंभूराज देसाई यांनी अंधारे यांचे आरोप फेटाळून लावले आहेत. सुषमा अंधारे यांच्या आरोपानंतर मंत्री शंभूराज देसाई यांनी आक्रमक पवित्रा घेत त्यांना कायदेशीर नोटीस पाठवली होती. सुषमा अंधारे या ललित पाटील प्रकरणावरुन बदल्यांच्या बातम्यांवर डायव्हर्ट करत असल्याचं देसाई म्हणाले होते. तर आपली बाजू सत्याची आहे. तसेच आपण चौकशीला सामोरे जाऊ असेही शंभूराज देसाई म्हणाले होते.