कॅप्टन म्हणून घेणाऱ्या भोंदूबाबा खरातचे काळे कारनामे आता एकामागून एक बाहेर येतायत...अशात राज्याचे उपमुख्यमंत्री एकनाथ शिंदेंचे खरातसोबतचे व्हायरल फोटो चर्चेचा विषय ठरल्येत...खरातचं राजकीय कनेक्शन विरोधकांनी चांगलंच उचलून धरलयं... त्यामुळे एकनाथ शिंदेंसह इतर नेत्यांचे सीडीआर तपासण्याचं धाडस गृहखातं करणार का? असा सवालच ठाकरेसेनेच्या सुषमा अंधारेंनी उपस्थित केलाय...

दरम्यान भोंदू बाबा अशोक खरातवर कठोर कारवाई करण्यासाठी अंधश्रद्धा निर्मूलन समितीने आक्रमक पवित्रा घेतलाय..2022 ला तत्कालीन मुख्यमंत्री एकनाथ शिंदे कॅप्टन खरातच्या भेटीसाठी आले होते तेव्हा अंधश्रध्दा निर्मूलन समितीच्या कार्यकर्त्यांनी या भेटीच्या विरोधात आवाज उठवला होती. मात्र त्यावेळी अंनिसच्या कार्यकर्त्यांवर मंत्र्यांकडून आणि ओएसडीकडून दबाव टाकला गेला होता.याच संर्दभात अंनिसच्या सदस्यांनी SIT प्रमुख तेजस्विनी सातपुतेंची भेट घेऊन खरातच्या कृष्णकृत्यांचा पाढाच वाचला..

कोल्ह्याचे कान आणि शिंगाचा तांत्रिक विधीसाठी वापर करायचा..तसंच भक्तांना सुगंधी कस्तुरी देऊन फलप्राप्ती आमिष दाखवायचा..एवढंच नाही तर खरातच्या भक्तांकडून अंनिसच्या कार्यकर्त्यांना धमकीही दिली गेली होती आणि विरोध केल्यानं अंनिसच्या कार्यकर्त्यांवर पिस्तुलही रोखली होती.

आता खरातची खरी कुंडली पोलिसांच्या हाती आलीय. अंधश्रद्धेचा हा बाजार मांडणाऱ्या 'कॅप्टन' खरातला कोणाचं अभय आहे? खरातच्या अघोरी विधींसाठी वन्यजीवांची तस्करी कोण करत होतं? सत्तेतील नेते, मंत्री अशा भोंदू बाबाच्या चरणी नतमस्तक का होत होते? खरातचे राजकीय कनेक्शन नेमकं कसं वाढलं? याचा SIT तून सखोल चौकशी होणं गरजेचं आहे....