सुशिल थोरात

Ahmednagar News : अहमदनगर दक्षिणचे खासदार डॉक्टर सुजय विखे पाटील यांनी आज अहमदनगर मध्ये बोलताना नाशिक पदवीधर निवडणुकीच्या बाबत काँग्रेस पक्षावर चांगलेच तोंडसुख घेतले आहे. ज्यांना घर सांभाळता येत नसतील त्यांनी घर फोडण्याचे आरोप करू नये आहे त्या लोकांना योग्य तो मानसन्मान दिला असता तर असे प्रसंग येत नाही मी सुद्धा पक्ष सोडला, पक्ष माझ्यासाठी तिकीट आणू शकला नाही यांनी राष्ट्रवादी काँग्रेस समोर पूर्ण समर्पण केलं होतं असा खोचक टोला त्यांनी काँग्रेस पक्षाचे प्रदेशाध्यक्ष नाना पटोले यांना लावला आहे.

सत्यजित तांबे यांच्या उमेदवारी बाबत बोलताना सुजय विखे पाटील यांनी सांगितले की उमेदवाराच आम्हाला महत्व नाही आम्हाला पक्ष आदेश हाच अंतिम राहतो. ज्याला देवेंद्र फडणवीस (Devendra Fadnavis) आणि बावनकुळे साहेब मतदान करायचा आदेश देतील त्याचं प्रामाणिक संघटनेच्या माध्यमातून काम करू त्याच उमेदवाराला मी निवडून देऊ असे देखील सुजय विखे पाटील (Sujay Vikhe Patil) म्हणाले.

राष्ट्रवादीचे आमदार रोहित पवार (Rohit Pawar) यांनी भाजपवर घरफोडी करत असल्याचा आरोप केला त्यावर बोलताना खा सुजय विखे पाटील म्हणाले की, घर फोडणीच्या राजकारणाची परंपरा ही महाराष्ट्रात कोणी सुरू केली आणि त्या परंपरेमुळ किती घर उध्वस्त झाली. लोकांचा वापर करून फेकून देणे ही परंपरा कोणी आणि कोणाच्या घराण्याने सुरू केली हे त्यांनी महाराष्ट्राचे इतिहासात झाकून पाहिलं तर याचे उत्तर त्यांना मिळेल.