मुंबई : राज्य सरकारी कर्मचाऱ्यांसाठी खूशखबर आहे. कारण महागाई भत्यात ४ टक्के वाढ करण्याचा निर्णय सरकारने घेतला आहे. महागाई भत्ता ३४ टक्क्यांवरून ३८ टक्क्यांवर करण्याचा निर्णय राज्य सरकारने घेतला आहे.

शासन आदेशानुसार १ जुलै २०२२ पासून ७ व्या वेतन आयोगानुसार सुधारित वेतनसंरचनेतील मूळ वेतनावरील महागाई भत्त्याचा दर ३४ टक्क्यांवरुन ३८ टक्के करण्यात येणार आहे. महागाई भत्ता वाढ १ जुलै २०२२ ते ३१ डिसेंबर २०२२ या कालावधीतील थकबाकीसह जानेवारी २०२३ च्या वेतनासोबत रोखीने देण्यात येणार आहे. (Latest Marathi News)

कर्मचाऱ्यांना सध्या ३४ टक्के महागाई भत्ता मिळत आहे. पण जानेवारी महिन्याच्या पगारापासून त्यांच्या महागाई भत्त्यात ४ टक्के वाढ होईल. त्यामुळे कर्मचाऱ्यांच्या पगारातही वाढ होणार आहे. ४ टक्के महागाई भत्ता वाढल्यानंतर आता १८००० रुपयांच्या मूळ वेतनावरील पगारात वार्षिक वाढ ६८४० रुपये होईल.

महागाई भत्ता कॅल्क्युलेशन पाहा

कर्मचाऱ्यांचे मूळ वेतन असेल तर १८००० असेल तर त्याला सध्याच्या ३४ टक्के महागाई भत्त्यानुसार ६१२० प्रति महिना मिळत असेल. मात्र नवीन महागाई भत्ता ३८ टक्के लागू झाल्यानंतर ही रक्कम ६८४० प्रति महिना होईल. याचा अर्थ दरमहिन्याला कर्मचाऱ्यांच्या पगारात ७२० रुपये वाढतील. यानुसार वार्षिक पगारातील वाढ ८६४० रुपये असेल.