सोलापूरचे ग्रामदैवत श्री सिद्धेश्वर महाराजांची यात्रा सध्या सुरू आहे. या यात्रेनिमित्त श्री सिद्धेश्वर कृषी प्रदर्शन भरवण्यात आले आहे. या प्रदर्शनात शेतीची अवजारे, विविध पीके, फळे यासोबतच पशुधनही पाहायला मिळत आहे. या सर्वांमध्ये खिलार जातीच्या सोन्या बैल आकर्षणाचे केंद्रबिंदू ठरत आहे. काय आहे या सोन्याची खासियत अन् किती आहे त्याची किंमत जाणून घ्या सविस्तर.
सोलापूर शहरात (Solapur) श्री सिद्धेश्वर यात्रेच्या पार्श्वभूमीवर श्री सिद्धेश्वर कृषी प्रदर्शन भरवण्यात आले आहे. या कृषी प्रदर्शनाचा मुख्य केंद्रबिंदू ठरत आहे 'सोन्या बैल'. सोन्या हा भारतातील सर्वात उंच आणि देखणा खिलार जातीचा बैल असल्याचा दावा त्याच्या मालकाने केला आहे. ६.३० उंच आणि ९.३० फूट लांबी असलेल्या या सोन्याची किंमतही त्याच्या नावाप्रमाणेच सोन्यापेक्षा महाग आहे.
सांगलीचे (Sangli) डॉ.विद्यानंद अवटी हे या सोन्या बैलाचे मालक आहेत. अवघ्या ५ वर्षांचा असलेल्या या सोन्याची बाजारभावामध्ये ४१ लाख रुपये इतकी त्याची किंमत आहे. मात्र करोडोमध्ये जरी किंमत मिळाली तरी सोन्याला विकणार नसल्याचे त्याच्या मालकांनी सांगितली आहे.
('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)
या सोन्याचा जसा रुबाब अन् थाट आहे. अगदी तसाच त्याचा खुराकही दणकट आहे. सोन्याला दररोज ७ प्रकारच्या कडधान्यांची भरड, २ लिटर गीर गायीचे दूध, २ किलोमीटर शेंगा पेंड, २०० मिली करड्याचे तेल, ०६ गावरान अंडी, दिवसातून ५ ते ६ वेळा वैरण असा त्याचा रोजचा रतीब आहे. इतकेच नव्हेतर सोन्या बैलाला दररोज गरम पाणी आणि शांम्पूने अंघोळही घालावी लागते. (Latest Marathi News)
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.