साेलापूर : राज्य परिवहन महामंडळाच्या (msrtc) कर्मचा-यांनी साेलापूर जिल्ह्यात अद्याप त्यांचा संप कायम ठेवला आहे. त्यामुळे एसटी महामंडळाचे सुमारे २२ काेटींचे नुकसान झाले आहे. अद्याप या विभागातील नऊ आगारातील सुमारे ३ हजार फे-या रद्द हाेताहेत. (solapur msrtc empolyee continues strike)

एसटी महामंडळाचे राज्य शासनात विलिनिकारण व्हावे या मागणीसाठी पुकारलेल्या संपला आता महिना झाला आहे. या काळात महामंडळाच्या जिल्ह्यातील नऊ डेपोतून गाड्यांच्या होणाऱ्या तीन हजार फेऱ्या थांबल्या आहेत. यामुळे दररोज ७५ लाखांचा तोटा दररोज महामंडळाला सहन करावा लागत आहे.

गेल्या महिनाभरात सोलापूर एसटी महामंडळाचे तब्बल २२ कोटी ५० लाखांचे नुकसान झाले आहे. तर दुसरीकडे प्रवाशांचे खूप हाल होताहेत. याबराेबरच खासगी वाहनांच्या अपघातांच्या प्रमाणात लक्षणीय वाढ झाली आहे. दरम्यान सोलापूर आगारातील २८ कर्मचाऱ्यांची सेवा समाप्त करण्यात आली आहे. याबराेबरच २९६ कर्मचाऱ्यांना निलंबित करण्यात आले आहे अशी माहिती विभागीय कर्मचारी वर्गाकडून मिळाली.

edited by : siddharth latkar