सोलापूर लोकसभा मतदारसंघाचे उमेदवार राम सातपुते यांनी काँग्रेस नेत्या आणि उमेदवार प्रणिती शिंदे यांना ओपन चॅलेंज दिलं होतं. जे त्यांनी आज स्वीकारलं आहे. राम सातपुते यांनी सिद्धेश्वर मंदिर परिसरात सोलापूरकरांसोबत आज मॉर्निंग वॉक केला. यावेळी त्यांनी प्रणिती शिंदे यांना आपल्या सत्तेच्या काळात सोलापूरकरांसाठी आपण काय केलं, हे सोलापूरच्या कोणत्याही चौकात येऊन सांगा मी यायला तयार आहे, असं म्हणत ओपन चॅलेंज दिलं होतं.
यानंतर प्रणिती शिंदे याही सोलापुरात मॉर्निंग वॉकला आल्या आणि माध्यमांशी बोलताना त्यांनी सांगितलं की, भाजप उमेदवार राम सातपुते यांचे ओपन चर्चेचे चॅलेंज मी स्वीकारते. सोलापूर शहरात भोंगळ कारभार सुरु आहे. दोन वर्षे झाले महापालिकेवर प्रशासक नेमलेला आहे. त्या म्हणाल्या की, ''ओपन चर्चेला मी 100 टक्के तयार आहे. मी इथलीच आहे 24 तास उपलब्ध आहे. मी चॅलेंज स्वीकारलेले आहे निवडणुकीला उभारले तेच माझे चॅलेंज आहे.'' (साम टीव्ही'चं व्हॉट्सअॅप चॅनल जॉईन करण्यासाठी येथे क्लिक करा)
त्या म्हणाल्या की, ''सोलापूर शहरात भोंगळ कारभार सुरूय. दोन वर्षे झाले महापालिकेवर प्रशासक नेमलेला आहे. शहरात आठ आठ दिवसांनी पाणी येते, येणारे पाणी घाण पिवळ्या रंगाचे असते. रात्री एक दोन वाजता पाणी सोडतात. नगरसेवक नाहीत त्यामुळे निधी नाही झोनमध्ये कोणी नाही'', असं म्हणत त्यांनी भाजपवर टीका केली आहे. (Latest Marathi News)
दरम्यान, बुधवारी सोलापूर शहर व जिल्हा ऑटो रिक्षा संघटनेच्या वतीने सोलापूर लोकसभेच्या उमेदवार आमदार प्रणिती शिंदे यांना जाहीर पाठिंबा दिला. यावेळी मुद्द्याचं बोला ओ अभियानांतर्गत त्यांनी रिक्षा चालक संघटनेशी संवाद साधला. त्या म्हणाल्या की, ''मागील दहा वर्षात भाजपने आणि त्यांच्या सोलापुरातील खासदारांनी आश्वासना व्यतिरिक्त काहीच दिले नाही. यातून मतदारांची फसवणूक झाली आहे. आता त्यांच्याकडे विकासाच्या मुद्द्यावर बोलण्यासारखं काही उरलं नाही म्हणूनच ते विषयांतर करण्याचा प्रयत्न करत आहेत.''
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.