Solapur News Saam tv
महाराष्ट्र

Solapur : जामिनावर सुटताच अनेकांना हेरले; नीट परीक्षेत गुण वाढवून देण्याचे सांगत फसवणूक, सीबीआयने घेतले ताब्यात

Solapur News : सोलापुरातील नामांकित रेसिडेन्सीमध्ये राहत असून परिसरात कोणाशीच संवाद किंवा संपर्क नसायचा. त्याच्या डोक्यात केवळ लोकांना गंडा घालण्याच्या योजनाच चालायच्या अशी माहिती सूत्रांनी दिली

विश्वभूषण लिमये

सोलापूर : मेडिकल फिल्डसाठी आवश्यक असलेल्या नीट परीक्षेत मिळालेले गुण महत्त्वाचे ठरत असतात. या नीट परीक्षेत गुण वाढवून देतो; असे सांगून लाखो रुपयांची फसवणूक करण्यात आल्याचा प्रकार समोर आला होता. अशा पद्धतीने अनेकांची फसवणूक करणाऱ्या संदीप शहा यास सीबीआयने ताब्यात घेतले आहे. दरम्यान त्याच्यावर यापूर्वी देखील फसवणुकीचे गुन्हे दाखल असल्याची माहिती समोर आली आहे. 

केंद्रीय गुन्हे अन्वेषण विभागाने म्हणजेच सीबीआयने संदीप जवाहर शहाला अटक केली आहे. संदीप हा सोलापुरातील विजापूर रोडवरील नामांकित रेसिडेन्सीमध्ये राहात असून या परिसरात त्याचा कोणाशीच संवाद किंवा संपर्क नसायचा. त्याच्या डोक्यात केवळ लोकांना गंडा घालण्याच्या योजनाच चालायच्या अशी माहिती सूत्रांनी दिली आहे. यातूनच त्याने अनेकांना गंडा घातला आहे. 

८७ लाख ५० हजार रुपये घेतले 

संदीप शहा हा संधी साधून फसवणूक करण्याचे प्लॅन आखत असायचा. यातच दोन महिन्यांपूर्वी मेडिकल फिल्डसाठीची नीट परीक्षा झाली होती. या परीक्षेत मिळालेल्या गुणांवर मेडिकलला नंबर लागत असतो. यातूनच संदीप शहा याने काही जणांशी संपर्क साधत नीट परीक्षेत गन वाढवून देण्याचे सांगितले. काही दिवसांपूर्वी नीट २०२५ च्या परीक्षेत गुण वाढवून देण्यासाठी ९० लाखांची मागणी करतं ८७ लाख ५० हजार रुपये घेतले होते. या प्रकरणी संदीप शाह याला CBI ने अटक केली आहे. 

२०१८ मध्ये तीन गुन्हे दाखल 

नीट परीक्षेतील फसवणूक प्रकरणी संदीपला अटक केल्यानंतर तब्बल आठ वर्षांनी त्याचे नाव पुन्हा चर्चेत आले. संदीप शहा याच्यावर सोलापुरातील विविध पोलीस स्टेशनमध्ये २०१८ पूर्वीच फसवणुकीचे तीन गुन्हे दाखल झाले होते. दरम्यान वैद्यकीय महाविद्यालयात मुलीला व्यवस्थापन कोट्यातून प्रवेश मिळवून देण्याची थाप मारून संदीपने सोलापूरसह राज्यातील अनेकांची फसवणूक केली होती.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Accident : मुंबई-आग्रा महामार्गावर भीषण अपघात! भरधाव टेम्पोने शाळकरी मुलींना उडवलं, चालक मद्यधुंद अवस्थेत

Shinde vs Thackeray: वरळी कोळीवाड्यात एकनाथ शिंदे आणि आदित्य ठाकरे आमनेसामने; कार्यकर्त्यांमध्ये धक्काबुक्की

Maharashtra Live News Update: - सावंतवाडीहून कणकवलीच्या दिशेने जाणाऱ्या एसटी बस खाली सापडून दुचाकीस्वाराचा जागीच मृत्यू

Gopichand Padalkar : कंडोम, साड्या, तलवारी... गोपीचंद पडळकरांच्या कार्यकर्त्याचे अपहरण करणाऱ्यांकडे काय-काय सापडलं?

Central Government: एलपीजी, शिक्षण आणि पायाभूत सुविधा; मंत्रिमंडळ बैठकीत केंद्र सरकारचे पाच मोठे निर्णय

SCROLL FOR NEXT