चेतन व्यास

Samruddhi Mahamarg News Today: हिंदुहृदयसम्राट बाळासाहेब ठाकरे समृद्धी महामार्गामुळे अल्पावधीतच नियोजित ठिकाणी जाता येते. मात्र या महामार्गाचा आता गोवंश तस्करीसाठीही वापर केला जातं असल्याचा धक्कादायक प्रकार पोलिसांच्या कारवाईनंतर उजेडात आला आहे. (Latest Marathi News)

महामार्ग पोलिसांनी (Police) समृद्धी महामार्गवरील येळाकेली टोल नाक्यावर सापळा रचून ही कारवाई केली आहे. कारवाईत कत्तलीसाठी जाणारी २५ जनावरे ताब्यात घेत एकूण १३ लाखांचा मुद्देमाल जप्त केला. प्रकरणी सावंगी पोलिसात गुन्हा दाखल करण्यात आलाय.

महामार्ग पोलीस हे गस्तीवर असताना त्यांना समृद्धी महामार्गवरून गोवंशाची वाहतुक होत असल्याची माहिती मिळाली. पोलिसांनी येळावेळी टोल प्लाझाजवळ नाकेबंदी केली. यावेळी एक संशयित ट्रक पोलिसांना दिसला. ट्रकला अडवून पाहणी केली असता वाहनात मोठ्या प्रमाणात जनावरे असल्याचे समोर आले. (Wardha News)

दरम्यान पोलीस आल्याचे लक्षात येताच वाहनचालकासह क्लिनरने घटनास्थळवरून पळ काढला. पोलिसांनी कत्तलीसाठी गोवंशाची वाहतूक करण्यासाठी वापरण्यात आलेला ट्रक व ट्रकमधील जनावरे ताब्यात घेत सावंगी पोलीसात गुन्हा दाखल केला आहे.