Shreya Maskar
सीताफळ हे चविष्ट आणि पौष्टिक फळ असून त्यामध्ये जीवनसत्त्वे, खनिजे, फायबर आणि अँटिऑक्सिडंट्स आढळतात. केसांचे आरोग्य चांगले ठेवण्यासाठी शरीराला प्रथिने, लोह, झिंक आणि विविध जीवनसत्त्वांची आवश्यकता असते.
सीताफळामध्ये व्हिटॅमिन सी, बी-समूहातील काही जीवनसत्त्वे, पोटॅशियम आणि अँटिऑक्सिडंट्स असतात. सीताफळातील व्हिटॅमिन सी शरीरात लोहाचे शोषण वाढवण्यास मदत करते, ज्यामुळे केस गळती थांबते.
सीताफळात अँटिऑक्सिडंट्स असतात. हे घटक शरीरातील पेशींचे ऑक्सिडेटिव्ह तणावापासून संरक्षण करण्यास मदत करतात.
सीताफळ पूर्ण पिकलेले असताना खावे. त्यातील काळ्या बिया काढून गर खावा. मधुमेहाची समस्या असलेल्या लोकांनी सीताफळ खाण्याआधी डॉक्टरांचा सल्ला घ्यावा.
सीताफळाच्या बियांचे तेल केसांच्या मजबुती वाढवते. तेलाने टाळूची हलक्या हाताने मालिश केल्यास केसांची मुळे भक्कम होतात, केस मऊ आणि मुलायम होतात.
सीताफळाच्या बियांची पावडर कोंडा आणि उवांसाठी रामबाण उपाय आहे. सीताफळाच्या बिया गोळा करून २ ते ३ दिवस नीट वाळवून घ्या. त्यानंतर या सुकलेल्या बियांचे बारीक पावडर तयार करा आणि ते गाळून घ्या.
केसांच्या वाढीसाठी डाळी, कडधान्ये, दूध, अंडी, सुका मेवा, बिया आणि हिरव्या पालेभाज्यांचाही आहारात समावेश करावा.
वरील माहिती आम्ही फक्त वाचक-प्रेक्षकांपर्यंत पोहचवत आहोत. याचं समर्थन अथवा दावा करत नाही. त्यामुळे कोणतेही उपचार, डाएट आणि औषधं तज्ज्ञांच्या, डॉक्टरांच्या सल्ल्यानं घ्यावीत.