बुलडाणा : ज्ञानगंगा अभयारण्यातील बोथा घाटातुन जाणा-या दाेन वाहनांची टक्कर झाल्याने या अपघातात (accident) सहा जण गंभीर जखमी (injured) झाले आहेत. सर्व जखमींवर बुलडाणा (buldhana) जिल्हा सामान्य रुग्णालयात उपचार सुरू आहेत. (buldhana latest marathi news)

आज दुपारी बाराच्या सुमारास हा अपघात झाला. या अपघातानंतर परतवाड्यावरून बुलडाण्याकडे जाणा-या एसटी बसच्या चालक व वाहकाने प्रसंगावधान राखून जखमींना तातडीने जिल्हा सामान्य रुग्णालयात दाखल केले.

या अपघातात खामगावहून बुलडाणा येथे जात असलेले बुलडाणा अर्बनचे संचालक विनोद मदनलाल केडीया (वय ५५) व त्यांची पत्नी रजनी विनोद केडीया (५০) हे दाेघे जखमी झाले आहेत. तसेच बुलडाणाहून अमरावतीला जाणा-या बुलडाणा येथील ज्येष्ठ पत्रकार भानुदासजी लकडे यांची कन्या स्वाती स्वप्नील सातंगे (२१) यांच्यासह रेखा अंबादास सातंगे (५०), सुहानी सातंगे (१४) व चालक विशाल जोशी (४५) हे जखमी झाले आहेत. या सर्वांवर बुलडाणा जिल्हा सामान्य रुग्णालयात उपचार सुरू आहेत.

Edited By : Siddharth Latkar