- विनायक वंजारे

सिंधुदुर्ग : संताेष परब (santosh parab) हल्ला प्रकरणी भाजप आमदार नितेश राणे (nitesh rane) यांना आज जिल्हा व सत्र न्यायालयाने जामीन मंजूर केला आहे. तीस हजार रुपयांच्या जातमुचलक्यावर राणेंना जामीन मंजूर झाला आहे. याबाबत नितेश राणेंचे वकील संग्राम देसाई म्हणाले न्यायालयाने जामीन मंजूर करताना नितेश राणेंच्यावर काही अटी घातल्या आहेत. (conditions on nitesh rane by sindhudurg court)

देसाई म्हणाले न्यायालयाने नितेश राणे यांना कणकवली (kankavali) तालुक्यात येण्यास बंदी घातली आहे. सिंधुदुर्ग (sindhudurg) जिल्ह्यात कणकवली सोडून ते कुठेही येऊ शकतात. जोपर्यंत दोषारोपपत्र दाखल होत नाही तोपर्यंत ते कणकवलीत येऊ शकत नाहीत. याबराेबरच आठवड्यातून एकदा तपासासाठी त्यांना (nitesh rane) ओरस पोलीस स्टेशनला हजर राहावे लागेल असंही देसाई यांनी नमूद केले. (nitesh rane latest marathi news)

दरम्यान नितेश राणेंना जामीन मंजूर झाल्यानंतर काेल्हापूरात (kolhapur) राणे समर्थकांनी सीपीआर रुग्णालया बाहेर जल्लाेष केला. तसेच राणेंची बंधू निलेश यांनी सत्याचा विजय झाल्याची भावना माध्यमांसमाेर व्यक्त केली. तसेच आजचा दिवस आनंदाचा आहे असेही त्यांनी नमूद केले. यावेळी निलेश राणेंचे (nliesh rane) कार्यकर्ते भेटून अभिनंदन करीत हाेते.

नितेश राणे यांचा जामीन अर्ज मंजूर झाला असला तरी त्यांची तब्येत अद्याप सुधारलेली नाही. कोल्हापूरात त्यांच्यावर शासकीय रुग्णालयात (सीपीआर) उपचार सुरु आहेत. आज सायंकाळी सहा वाजता राणेंच्यावर अँजिओग्राफी केली जाणार असल्याची माहिती सीपीआरच्या प्रशासनाने दिली. चार वैद्यकीय अधिका-यांच्या उपस्थित राणेंवर अँजिओग्राफी केली जाईल. दरम्यान राणे यांनी चार तासापासून कोणतही अन्न खालेलं नाही. जामीन मिळाल्यामुळे नितेश राणे अँजिओग्राफी करून घ्यायला तयार होणार की नाही याकडं कार्यकर्त्यांचे लक्ष लागून राहिलेले आहे.

Edited By : Siddharth Latkar