Ulhasnagar News : दुकानदाराने ५०० रुपये सुट्टे दिले नाही म्हणून एकाने दुकानात घुसून दुकानदाराला बेदम मारहाण केली आहे. उल्हासनगर शहरात ही घटना घडली आहे. संपूर्ण घटना सीसीटीव्ही कॅमेऱ्यात कैद झाली आहे. (Latest Marathi News)

उल्हासनगरच्या कॅम्प २ मधील खेमाणी चौकात न्यू प्रियंका मोबाईल नावाचं दुकान आहे. याठिकाणी दोन तरुण ५०० रुपये सुट्टे मागण्यासाठी आले. मात्र दुकानदाराने सुट्टे पैसे देण्यास नकार दिला. याचा राग आल्याने या तरुणांनी थेट या दुकानात घुसून दुकानदाराला मारहाण करायला सुरुवात केली. (ulhasnagar News)

ही संपूर्ण घटना सीसीटीव्ही कॅमेऱ्यात कैद झाली आहे. याप्रकरणी उल्हासनगर पोलीस ठाण्यात अदखलपात्र गुन्ह्याची नोंद करण्यात आली आहे. दरम्यान किरकोळ कारणावरून व्यापाऱ्यांना दिवसाढवळ्या दुकानात घुसून मारहाण होत असेल तर अशा गुन्हेगारांना कायद्याचा धाक तरी उरलाय का? असा प्रश्न आता नागरिकांना पडला आहे. (Crime News)