हा भानामतीचा प्रकार घडलाय चक्कं बारामतीत... आणि तोसुद्धा अजित पवारांची सोसायटी असलेल्या सहयोग निवासस्थानाच्या बाहेर.... सोसायटीच्या मुख्य गेटजवळ जमिनीवर लिंबू, मिरची, काळे कापड, काही पूजेचे साहित्य आणि उतारा आढळला आणि एकच खळबळ उडाली... तर अजित पवारांना वशमध्ये आणण्यासाठी हा प्रकार घडल्याचा संशय राष्ट्रवादीच्या नेत्यांनी व्यक्त केलाय..

खरंतर राज्यात निवडणुकीची धामधूम सुरु आहे... त्यातच अजित पवारांच्या सोसायटीसमोरच हा प्रकार घडल्यानं बारामतीत कुणाच्या विरोधात कट रचण्यासाठी, निवडणुकीत कुणाचे तिकीट कापण्यासाठी किंवा तिकीट पक्कं करण्यासाठी असा प्रकार केला असण्याचा संशय व्यक्त केला जातोय..

खरंतर महाराष्ट्राला शिव, शाहू, फुले, आंबेडकर, संत तुकाराम महाराजांचा वारसा आहे.. त्यामुळे महाराष्ट्राला पुरोगामी म्हटलं जातं...राज्यात अंधश्रद्धा निर्मुलनाचा कायदा करण्यात आलाय.. त्यानंतरही अंधश्रद्धेचा सोस कमी होत नाही.. त्यामुळे पोलिसांनी कठोर कारवाई करुन अंधश्रद्धेला खतपाणी घालणाऱ्यांना आणि असं अघोरी कृत्य करणाऱ्यांना धडा शिकवायला हवा....