Jalgaon News : जळगाव जिल्ह्यातील पारोळा विधानसभा मतदारसंघाचे शिवसेना शिंदे गटाचे आमदार चिमणराव पाटील यांच्या गाडीला अपघात झाला आहे. अमळनेर शहराजवळ असलेल्या अंबर्षी महाराज टेकडीजवळ हा अपघात झाला आहे.
आमदार चिमणराव पाटील यांच्या ताफ्यातील पोलीस सुरक्षारक्षकांच्या पोलीस व्हॅनने त्यांच्या कारला मागून धडक दिली. या अपघातात चिमणराव पाटील यांना सुदैवाने गंभीर दुखापत झालेली नाही. मात्र पोलीस व्हॅन आणि चिमणराव पाटलांच्या कारचं मोठं नुकसान झाले आहे. (Accident News)
मिळालेल्या माहितीनुसार, पारोळा मतदारसंघाचे आमदार चिमणराव पाटील हे त्यांच्या खाजगी वाहनाने चोपडा येथे कामानिमित्त जात होते. त्यांना पुरवण्यात आलेल्या ताफ्यातील पोलीस सुरक्षा वाहनाने अमळनेर -चोपडा रस्त्यावरील सिंधी कॉलनीजवळ आमदारांच्या वाहनाला मागून जोरदार धडक दिल्याने अपघात झाला. (Latest Marathi News)
यावेळी आमदारांच्या वाहनात वाहनचालक, आमदार चिमणराव पाटील, त्यांचे स्वीय सहाय्यक तर पोलिसांच्या वाहनात ३ ते ४ पोलीस कर्मचारी होते. मोठा अनर्थ टळल्याचं आमदार पाटील यांनी सांगितलं. अपघातानंतर दुसऱ्या वाहनाने आमदार चिमणराव पाटील हे पारोळ्याकडे रवाना झाले.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.