रत्नागिरी : शिवसेनेचे नेते आणि मंत्री एकनाथ शिंदे (Eknath Shinde) यांनी त्यांच्या ५० समर्थक आमदारांसोबत बंडखोरी करुन महाविकास आघाडी सरकारसह शिवसेनेला मोठा धक्का दिला. त्यामुळे एकनाथ शिंदे गट आणि शिवसेनेत जोरदार सत्तासंघर्ष सुरु आहे. बंडखोर आमदारांविरोधात तमाम शिवसैनिक (shivsena) रस्त्यावर उतरुन निदर्शने करत आहेत. तर दुसरीकडे राज्याचे उच्च व तंत्र शिक्षणमंत्री उदय सामंत (uday samant) एकनाथ शिंदे गटात सामील होत असल्याची माहिती सूत्रांकडून व्यक्त करण्यात आली आहे. सामंत यांचा फोन नॉट रिचेबल असून ते गुवाहाटीच्या (Guwahati) मार्गावर असल्याचे कळते आहे. सामंत यांनी रत्नागिरीत शिवसेना पदाधिकारी आणि कार्यकर्त्यांची महत्वाची बैठक घेतली होती. या बैठकीत शिंदे गटात सामील होण्याबाबत चर्चा झाली असल्याचे समजते.