- जितेश कोळी

Bhaskar Jadhav : प्रक्षोभक भाषण केल्याप्रकरणी गुन्हा दाखल झाल्यानंतर शिवसेना (shivsena) नेते आमदार भास्कर जाधव (Bhaskar Jadhav) यांनी 'निखाऱ्यावरून चालताना चटके हे बसणारच' अशी मार्मिक प्रतिक्रिया माध्यमांना दिली. ठाण्यातील गडकरी रंगायतन येथे शिवसेना ठाकरे गटाच्या वतीने झालेल्या मेळाव्यात राज्याचे मुख्यमंत्री एकनाथ शिंदे (Eknath Shinde) यांच्या विरोधात प्रक्षोभक भाषण केल्या प्रकरणी ठाण्यातील नौपाडा पोलीस ठाण्यात सात जणांच्या विरोधात गुन्हा दाखल करण्यात आला आहे. त्यातमध्ये भास्कर जाधव यांचा समावेश आहे. (Breaking Marathi News)

याबाबत आज चिपळुण येथे माध्यमांनी शिवसेना नेते आमदार भास्कर जाधव यांना छेडलं असता त्यांनी 'निखाऱ्यावरून चालताना चटके हे बसणारच' अशी भावना केली. ते म्हणाले याबाबत पाेलिसांनी तपासल्याशिवाय अशा प्रकारचा गुन्हा दाखल करता येत नाही. गुन्हा दाखल केला असेल तर आम्ही त्याला कायदाने उत्तर देऊ असेही जाधव यांनी नमूद केले. (Bhaskar Jadhav Latest Marathi News)

शिवसेना नेते आमदार भास्कर जाधव म्हणाले गुन्हा दाखल केल्यानंतर आमच्यावर काही फरक पडेल असं त्यांना वाटत असेल तर गद्दारीच्या विराेधात उठलेले रान आता थांबणार नाही. हा विषय काेणाच्या एका हातात राहिलेला नाही. हा विचारांचा वणवा संपुर्णत: महाराष्ट्रात पेटलेला आहे. हा वणवा भविष्यात असाच वाढत जाईल असा सूचक इशारा देखील भास्कर जाधव यांनी विरोधकांना दिला.

दरम्यान त्यांच्या बाजूने असलेला लाेक उद्धव ठाकरे (Uddhav Thackeray) यांच्याबाबतीत काय काय बाेलताहेत. मुख्यमंत्र्यांनी समन्यायी पद्धतीने वागलं पाहिजे असं आमदार जाधव यांनी नमूद केले. ते म्हणाले ज्या ज्या पक्षाच्या नेत्यांवर गैरवक्तव्य हाेताहेत आणि जे करीत आहेत त्यांच्यावर देखील कारवाई करावी आणि आपण किती निस्पृह आहाेत हे दाखवून द्यावे.

शिवसेना पक्षाला मिळालेले मशाल हे चिन्ह निवडणूक आयोगाने दिले असून जर एखाद्या पक्षाला या चिन्हाबाबत आक्षेप असेल तर त्यांनी भारतीय निवडणूक विभागाकडे याबाबत दावा करावा असेही आमदार भास्कर जाधव यांनी एका प्रश्नावर उत्तर देताना नमूद केले. शिवसेनेला मिळालेले मशाल या चिन्हावर समता पक्षाकडून दावा केला जात असल्याच्या पार्श्वभूमीवर आमदार भास्कर जाधव यांनी समता पक्षाला हा सल्ला दिला आहे. (Tajya Batmya)

Edited By : Siddharth Latkar