• शिवसेना चिन्हाप्रकरणी सुप्रीम कोर्टात सुनावणी

• शिंदे विरुद्ध ठाकरे शिवसेना वाद कोर्टात

• धनुष्यबाण चिन्हावर सुप्रीम कोर्ट काय निर्णय देणार याकडे सर्वांचे लक्ष

शिवसेना पक्ष आणि चिन्हासंदर्भात आज सुप्रीम कोर्टात सुनावणी सुरु आहे. महाराष्ट्र विधानसभा अध्यक्षांच्या निर्णयाविरोधात आणि निवडणूक आयोगाने दिलेल्या निर्णयाला आव्हान देणाऱ्या शिवसेना ठाकरे गटाच्या याचिकेवर सुप्रीम कोर्ट थोड्याच वेळात निकाल देणार आहे. सुप्रीम कोर्ट नेमका काय निर्णय देणार याकडे सर्वांचे लक्ष लागले आहे.

शिवसेनेमध्ये फूट पडल्यानंतर दोन गट पडले. एकनाश शिंदे यांनी भाजपसोबत जाऊन सत्ता स्थानन केली. त्यानंतर शिवसेना शिंदेगटाकडून शिवसेना पक्ष आणि चिन्हावर दावा केला. निवडणूक आयोगाने देखील एकनाथ शिंदे यांच्या बाजूने निकाल देत शिवसेनापक्ष आणि चिन्ह शिंदेसेनेला बहाल केले होते. त्यानंतर शिवसेना ठाकरे गटाने २०२४ मध्ये सुप्रीम कोर्टात धाव घेत याचिका दाखल केली. ठाकरेसेनेने केंद्रीय निवडणूक आयोगाचा निर्णय पूर्णपणे असंवैधानिक आणि पक्षपाती असल्याचा आरोप केला होता.

८ ऑक्टोबर २०२२ रोजी निवडणूक आयोगाने शिंदे-ठाकरे या दोन्ही गटाला धनुष्यबाण चिन्ह वापरण्यास बंदी घातली होती. त्यानंतर १७ फेब्रुवारी २०२३ रोजी निवडणूक आयोगाने धनुष्यबाण हे चिन्ह एकनाथ शिंदे यांना दिले आणि उद्धव ठाकरे यांना मशाल चिन्ह दिले. गेल्या ४ वर्षांपासून हे प्रकरण प्रलंबित आहे. ठाकरेसेनेच्या बाजूने ज्येष्ठ वकील कपिल सिब्बल कोर्टात बाजू मांडत आहेत. या प्रकरणाची सुनावणी आतापर्यंत अनेक वेळा पुढे ढकलण्यात आली. आज याप्रकरणावर सुप्रीम कोर्टात महत्वाच सुनावणी पार पडेल. कोर्ट नेमका काय निर्णय देतंय ते पाहणे महत्वाचे राहिल.

शिवसेना सुनावणीचा घटनाक्रम -

फेब्रुवारी 2023 - निवडणूक आयोगाकडून शिंदेसेनेस चिन्ह बहाल

23 फेब्रुवारी 2023 - ठाकरेसेनेकडून सुप्रीम कोर्टात याचिका दाखल

23 फेब्रुवारी 2023 - सुप्रीम कोर्टाकडून निवडणूक आयोगाच्या निर्णयाला स्थगिती देण्यास नकार

7 मे 2025 - सुप्रीम कोर्टाकडून तातडीच्या सुनावणीस स्पष्ट नकार

14 जुलै 2025 - गेल्या 3 वर्षांपासून याचिका प्रलंबित