12 नोव्हेंबर 2025 ला सुप्रिम कोर्टात होणारा सर्वात मोठा फैसला भाजपचे नेते आणि राज्याचे मंत्री चंद्रकांत पाटलांनी आधीच सुनावला. आणि चंद्रकांत पाटलांच्या या वक्तव्यानं मात्र महायुतीत वादाची ठिणगी पडण्याची शक्यता आहे. असं नेमकं चंद्रकांत पाटील काय म्हणाले ऐका

चंद्रकांत पाटलांनी भाजपची महती सांगतांना मित्रपक्षांच्या खरेपणावरच थेट सवाल केलाय. चंद्रकांत पाटलांनी हे वक्तव्य केल्यानंतर राजकीय वर्तुळात आश्चर्य व्यक्त करण्यात आलं. परंतू चंद्रकांतदादांनी महायुतीतील मित्रपक्षांनाच निवडणूकांच्या आधी थेट पक्ष कोणाचा म्हणत टार्गेट करुन विरोधकांचं कौतुक केल्यानं मित्रपक्षांनीही संताप व्यक्त केलाय.

गेल्या ३ वर्षांपासून शिवसेना आणि राष्ट्रवादी हे पक्ष कोणाचे याचा वाद सुप्रिम कोर्टात सुरुये. आता 12 नोव्हेंबर 2025 ला याप्रकरणी अंतिम निकाल येणारेत. परंतू त्याआधीच चंद्रकांतदादांनी थेट शरद पवारांची राष्ट्रवादी आणि ठाकरेंची शिवसेना म्हणत शिंदे आणि अजित पवारांना चेतावणी दिल्याचं म्हटलं जातंय.

कोल्हापूरातून चंद्रकांत दादा थेट पुण्यात आले आणि त्यांनी अजित पवारांना चॅलेंज द्यायला सुरुवात केली. परंतू कालांतराने अजित पवारच महायुतीत आल्यानं चंद्रकांत पाटलांना पालकमंत्री पदाची सुत्र अजित पवारांच्या हाती द्यावी लागली. महायुतीत असूनही धंगेकरांनी चंद्रकांत दादांविरोधात बंड पुकारल्यानं चंद्रकांत दादांनी निवडणूकांच्या आधीच थेट ओरिजनल पक्ष कोणाचा हे सांगून एकाच दगडात 2 पक्ष तर मारले नाही ना अशीच चर्चा सध्या राज्याच्या राजकारणात सुरु झालीये.