Shirur News : शाळा दुरुस्तीच्या पैशावर ग्रामपंचायतीने स्मशानभूमी बांधली आहे. हा प्रकार शिरुर तालुक्यातील पाबळच्या पिंपळवाडी येथे घडला आहे. मुलांच्या शिक्षणापेक्षा मेलेली माणसं महत्वाची वाटतात का असा सवाल जिल्हा परिषद सदस्य सविता बगाटे (zilla parishad member savita bagate) यांनी ग्रामपंचायतीस केला आहे. (Maharashtra News)

जिल्हा परिषद सदस्य बगाटे म्हणाल्या 14 व्या वित्त आयोग निधीतुन पाबळच्या पिंपळवाडी शाळेच्या दोन वर्गखोल्या मंजुर झाल्या. यासाठी निधी आला परंतु सरपंच व ग्रामसेवकांनी शाळा दुरुस्ती करण्याऐवजी स्मशानभूमी बांधली.

मोडकळीस आलेल्या वर्ग खोल्यांमध्ये चिमुकली मुलं जीव मुठीत धरुन शिक्षण घेतात याचं भाव गावक-यांनी ठेवायला हवं होतं असेही जिल्हा परिषद सदस्य सविता बगाटे यांनी नमूद केले. यावेळी त्यांनी ग्रामस्थांवर आगपाखड केली.

जिल्हा परिषद सदस्या सविता बगाटेंनी पाबळ ग्रामपंचायतीवर मुलांसह माेर्चा देखील काढला. मुलांच्या शिक्षणापेक्षा (education) मेलेली माणसं महत्वाची का असा सवालही बगाटे यांनी केला. बगाटे यांच्या आक्रमकतेपूढे ग्रामस्थ देखील निशब्द झाल्याचे पाहायला मिळाले.

Edited By : Siddharth Latkar